علی ظفر کا سونو نگم اور رنویر سنگھ سے متعلق اظہارِ خیال

پاکستان کے مشہور گلوکار اور اداکار علی ظفر نے حالیہ انٹرویو میں بھارتی گلوکار سونو نگم اور اداکار رنویر سنگھ کے بارے میں اپنے خیالات پیش کیے۔

پاکستان کے مشہور گلوکار اور اداکار علی ظفر نے حالیہ انٹرویو میں بھارتی گلوکار سونو نگم اور اداکار رنویر سنگھ کے بارے میں اپنے خیالات پیش کیے۔

علی ظفر، جو عالمی سطح پر اپنی موسیقی اور فلموں کے باعث مقبول ہیں، سوشل میڈیا پر 6.1 ملین سے زائد مداح رکھتے ہیں اور حالیہ عرصے میں اپنے روایتی گانوں جیسے لیلیٰ او لیلیٰ، بالو بٹیاں اور آلے کے ذریعے ایک بار پھر لوگوں کے دل جیت رہے ہیں۔

انٹرویو میں انہوں نے سونو نگم کی گلوکاری کو سراہتے ہوئے کہا کہ وہ موسیقی اور راگ کے حوالے سے غیر معمولی سمجھ رکھتے ہیں۔ ان کے مطابق سونو نگم اپنی فنی مہارت کے باعث تکنیکی طور پر بے عیب ہیں، ان کی آواز میں کبھی کمزوری یا ٹوٹ پھوٹ محسوس نہیں ہوتی، حتیٰ کہ لائیو پرفارمنس میں بھی وہ پرفیکٹ رہتے ہیں، جو ایک بڑا کمال ہے۔

رنویر سنگھ کے بارے میں گفتگو کرتے ہوئے علی ظفر نے کہا کہ ان کی ان سے اچھی دوستی ہے، وہ ایک سنجیدہ فنکار ہیں جو کردار میں ڈوب کر اداکاری کرتے ہیں اور حقیقت میں وہ شرارتی یا شوخ مزاج شخص نہیں ہیں۔