ایشیاء کپ کی تاریخ میں پہلی بار پاک-بھارت فائنل کے امکانات روشن
ایشیاء کپ کے سپر فور مرحلے میں دلچسپ صورتحال پیدا ہوگئی ہے جہاں پہلی مرتبہ بھارت اور پاکستان کے فائنل تک پہنچنے کے قوی امکانات ظاہر کیے جا رہے ہیں۔ پاکستان ابتدائی میچ میں بھارت سے شکست کھا چکا تھا، تاہم سری لنکا کے خلاف شاندار فتح کے بعد گرین شرٹس نے واپسی کی ہے۔
اگر ایسا ہوا تو یہ پہلا موقع ہوگا جب ایشیاء کپ کے فائنل میں پاکستان اور بھارت آمنے سامنے ہوں گے، اور اس ٹورنامنٹ میں تیسری مرتبہ دونوں ٹیموں کا آمنا سامنا ہوگا۔ اس سے قبل دونوں بار بھارت فاتح رہا ہے، لیکن فائنل کے بارے میں کچھ بھی کہنا قبل از وقت ہے۔
آج بھارت اور بنگلہ دیش کے درمیان مقابلہ ہوگا، جسے بھارت کے جیتنے کے قوی امکانات ہیں۔ کل پاکستان اور بنگلہ دیش کے درمیان میچ ہوگا، جس کے نتیجے میں فائنل کی دوسری ٹیم کا فیصلہ ہوجائے گا۔
کرکٹ شائقین پرامید ہیں کہ اس بار تاریخ رقم ہوگی اور ایشیاء کپ کا فائنل پاکستان اور بھارت کے درمیان ہوگا۔
