کراچی کے گاڑی اور موٹر سائیکل مالکان کے لیے خبردار! شہر قائد میں الیکٹرک چالان (ای چالان) سسٹم جلد متعارف کرایا جا رہا ہے۔ یکم اکتوبر سے ٹریفک قوانین کی خلاف ورزی پر چالان خودکار نظام کے ذریعے کیے جائیں گے، جس میں انسانی ٹریفک اہلکار کی ضرورت نہیں ہوگی۔
ٹریفک پولیس نے شہر کی اہم شاہراہوں پر آگاہی مہم شروع کر رکھی ہے تاکہ شہری نئے نظام اور اس کے طریقہ کار سے مکمل واقف ہو جائیں۔ شہریوں کا کہنا ہے کہ ای چالان سے رشوت خوری اور غیر منصفانہ سلوک ختم ہوگا۔
ڈی آئی جی ٹریفک پیر محمد شاہ نے بتایا کہ کئی ماہ سے ذرائع ابلاغ اور سوشل میڈیا پر شہریوں کو اس نئے نظام کے بارے میں آگاہ کیا جا رہا ہے تاکہ سسٹم کے آغاز کے دن سب تیار ہوں۔
