ایشیا کپ کے سپر فور راؤنڈ میں آج پاکستان اور سری لنکا کی ٹیموں کا ٹکراؤ ہوگا۔ یہ دونوں ٹیمیں گزشتہ سال کے فائنل کے بعد پہلی مرتبہ ٹی ٹوئنٹی میچ کھیل رہی ہیں۔
ایشیا کپ 2022 میں دبئی میں کھیلے گئے سپر فور اور فائنل دونوں مقابلوں میں سری لنکا نے پاکستان کو شکست دی تھی، جبکہ اس سے پہلے 2019 میں سری لنکن ٹیم پاکستان کو ہوم سیریز میں 0-3 سے وائٹ واش بھی کر چکی ہے۔
تاہم گزشتہ چھ برسوں میں مسلسل ناکامیوں کے باوجود یو اے ای کی کنڈیشنز میں پاکستان کا پلڑا بھاری رہا ہے، جہاں کھیلے گئے سات میچوں میں سے چار قومی ٹیم نے اپنے نام کیے ہیں۔
پاکستان کو سپر فور کے پہلے میچ میں بھارت کے ہاتھوں شکست کا سامنا کرنا پڑا تھا، جبکہ اگلا مقابلہ وہ 25 ستمبر کو بنگلادیش کے خلاف کھیلے گا۔ سپر فور کی دو کامیاب ٹیمیں 28 ستمبر کو فائنل میں مدمقابل ہوں گی۔
