حیدرآباد میں پولیو کا نیا کیس رپورٹ ملک بھر میں تعداد 27 ہوگئی
23 ستمبر ، 2025
کراچی (اسٹاف رپورٹر) نیشنل ایمرجنسی آپریشن سینٹر نے سندھ کے ضلع حیدرآباد سے پولیو وائرس کے نئے کیس کی تصدیق کردی ہے۔ اس کے بعد رواں سال ملک بھر میں پولیو کیسز کی مجموعی تعداد 27 ہوگئی ہے۔ اعداد و شمار کے مطابق سال 2025 کے دوران سندھ میں اب تک پولیو کے 7 کیس سامنے آچکے ہیں۔ نیشنل ای او سی کے مطابق پولیو ایک لاعلاج مرض ہے جو عمر بھر کی معذوری کا باعث بنتا ہے، اس لیے والدین ہر پولیو مہم کے دوران اپنے بچوں کو لازمی طور پر پولیو سے بچاؤ کے قطرے پلائیں۔ نیشنل ای او سی نے اعلان کیا ہے کہ آئندہ ملک گیر پولیو مہم 13 اکتوبر سے 19اکتوبر تک جاری رہے گی۔
ہیپاٹائٹس سی کے خاتمے کیلئے او جی ڈی سی اور آغا خان یونیورسٹی اسپتال کی مشترکہ مہم
23 ستمبر ، 2025FacebookTwitterWhatsapp
اسلام آباد (خالد مصطفیٰ) پاکستان میں ہیپاٹائٹس سی کے بڑھتے ہوئے بوجھ سے نمٹنے کے لیے ایک اہم قدم کے طور پر، آئل اینڈ گیس ڈویلپمنٹ کمپنی لمیٹڈ (او جی ڈی سی) نے آغا خان یونیورسٹی اسپتال (اے کے یو ایچ) کے ساتھ تعاون کرتے ہوئے ایک وسیع پیمانے پر ہیپاٹائٹس سی ختم کرنے کی مہم شروع کی ہے، جس کے تحت پنجاب اور سندھ کے پسماندہ علاقوں میں مفت اسکریننگ، تشخیص اور علاج کی سہولیات فراہم کی جائیں گی۔ اس مہم کے تحت ہیپاٹائٹس سی کے خاتمے کے لیے کیمپ او جی ڈی سی کی صحت کی دیکھ بھال کی سہولیات پر لگائے جائیں گے، جن میں پنجاب کے شہر چکوال، اٹک، گجر خان (راولپنڈی)، اور ڈیرہ غازی خان شامل ہیں، جبکہ سندھ میں یہ کیمپ حیدرآباد، سانگھڑ، اور گھوٹکی میں قائم کیے جائیں گے
