قومی ٹیم نے فائنل الیون میں کچھ تبدیلیاں کی ہیں۔ آل راؤنڈر فہیم اشرف اور حسین طلعت کو شامل کیا گیا ہے، جبکہ حسن نواز کو ٹیم سے باہر کردیا گیا ہے۔
ذرائع کا کہنا ہے کہ فاسٹ بولنگ کا بوجھ شاہین شاہ آفریدی اور حارث رؤف کے کندھوں پر ہوگا، جبکہ اسپن ڈپارٹمنٹ میں مسٹری اسپنر ابرار احمد کے ساتھ محمد نواز اور صائم ایوب ذمہ داری نبھائیں گے۔
رپورٹس کے مطابق بھارت کے خلاف میدان میں اترنے والے کھلاڑیوں میں صائم ایوب، صاحبزادہ فرحان، فخر زمان، فہیم اشرف، سلمان علی آغا، محمد نواز، حسین طلعت، محمد حارث (وکٹ کیپر)، شاہین شاہ آفریدی، حارث رؤف اور ابرار احمد شامل ہیں۔
