سوئٹزر لینڈ کے ویك بورڈر جیمی ہیوسر نے نیا عالمی ریکارڈ قائم کر دیا ہے۔سوئس اتھلیٹ جیمی ہیوسر نےسطح سمندر سے 2ہزار میٹر بلند سوئٹزرلینڈ کی لیک فالیرن پر ریل پر کامیابی سے ویک بورڈنگ کی۔ 21
سالہ ہیوسر نےجھیل میں 24 تیرتے ہوئے میٹل سیگمنٹس سے بنی 140 میٹر لمبی ریل پر بہترین توازن کا مظاہرہ کرتے ہوئے نیا عالمی ریکارڈ بنایا۔ہیوسر نے یہ کارنامہ اپنی 113ویں کوشش میں انجام دے کر 72 میٹر کا سابقہ ریکارڈ توڑا۔ جیمی ہیوسر نے 14 سال کی عمر میں یورپی چیمپئن اور ورلڈ چیمپئن شپ کے رنر اپ کا اعزاز حاصل کیا جبکہ پرو ٹور جیتنے کے علاوہ 2023 میں “روکیی آف دی ایئر” کا ٹائٹل بھی اپنے نام کیا ۔
