اداکار اور بھارتی سیاستدان شتروگن سنہا کی لاہور میں ہونے والی شادی کی تقریب میں شرکت

اداکار اور بھارتی سیاستدان شتروگن سنہا کی لاہور میں ہونے والی شادی کی تقریب میں موجودگی کی تصاویر اور ویڈیوز سوشل میڈیا پر خوب وائرل ہورہی ہیں۔

لاہور میں منعقدہ شادی کی تقریب میں بھارتی اداکار و سیاست دان شتروگن سنہا نے شرکت کی، جس میں قوالی کا ایک پروگرام بھی رکھا گیا تھا۔

میڈیا رپورٹس کے مطابق بھارتی اداکار شتروگن سنہا بزنس مین اسد احسن کے بیٹے کی شادی میں شرکت کے لیے پاکستان آئے۔
خبریں ہیں کہ وہ دو روز کے لیے پاکستان آئے اور اس دوران وہ پاکستانی سیاستدانوں سے ملاقات بھی کریں گے۔

واضح رہے کہ پاکستان اور بھارت کے درمیان کشیدگی کی صورتحال کی وجہ سے دونوں ممالک کے درمیان سیاسی و سماجی تعلقات متاثر ہوئے ہیں جبکہ پاکستان میں بھارتی فلموں کی نمائش پر بھی پابندی عائد ہے۔

dawnnews-report



اپنا تبصرہ بھیجیں