ٹی20 ایشیا کپ میں میچ ریفری کی تبدیلی کے معاملے پر ڈیڈلاک برقرار ہے، پاکستانی ٹیم کو میچ کےلیے اسٹیڈیم جانے کے بجائے ہوٹل رکنے کا کہہ دیا گیا ہے۔
پی سی بی میڈیا مینجر کے مطابق چیئرمین پی سی بی محسن نقوی کچھ دیر میں لاہور میں میڈیا سے گفتگو کریں گے، ٹیم کے کھلاڑیوں کو ہدایت کی گئی ہے کہ میچ نہیں ہوگا وہ اپنے کمروں میں چلے جائیں۔
کچھ دیر پہلے اطلاع آئی تھی کہ کھلاڑی اسٹیڈیم روانہ ہوسکتے ہیں، کھلاڑیوں کا سامان بس میں رکھ دیا گیا تھا اور کچھ کھلاڑی بیٹھ بھی گئے تھے تاہم بعد میں انہیں اسٹیڈیم جانے سے روک دیا گیا۔
ذرائع کے مطابق پاکستان کرکٹ بورڈ میں اعلیٰ سطح پر مشاورتی عمل جاری ہے، چیئرمین پی سی بی محسن نقوی، سلمان نصیر اور دیگر عہدیدار میٹنگ میں موجود ہیں۔
ذرائع کے مطابق میچ ریفری اینڈی پائی کرافٹ کی معذرت کی صورت میں معاملہ ختم ہوسکتا ہے، معافی مانگنے کے بعد پاکستان ٹیم یو اے ای کے خلاف میچ کھیلنے پر غور کرسکتی ہے۔
