سلمان علی آغا کی قیادت میں قومی کرکٹ ٹیم نے وہ کارنامہ انجام دیا جو اس سے پہلے کوئی پاکستانی کپتان نہ کر سکا۔
رواں سال گرین شرٹس کے بیٹرز نے انٹرنیشنل ٹی ٹوئنٹی کرکٹ میں اب تک 154 چھکے لگائے، جو ایک کیلنڈر ایئر میں سب سے زیادہ چھکوں کا قومی ریکارڈ ہے۔
اس سے قبل پاکستان نے 2023 میں 152 چھکوں کے ساتھ یہ سنگ میل عبور کیا تھا۔ اسی طرح 2021 میں 147، 2022 میں 114 اور 2018 میں 105 چھکے ریکارڈ کیے گئے تھے۔
قومی ٹیم اب اتوار، 14 ستمبر کو اپنے روایتی حریف بھارت کے خلاف میدان میں اترے گی۔
