سیریز کے دوسرے میچ میں
انگلینڈ نے ریکارڈ کارکردگی دکھاتے ہوئے ٹی ٹوئنٹی میچ میں 300 سے زائد رنز بنائے اور جنوبی افریقہ کو 146 رنز کے بڑے مارجن سے شکست دے دی۔
انگلینڈ کے فل سالٹ نے ناٹ آؤٹ 141 رنز بنائے جس میں 15 چوکے اور 8 چھکے شامل تھے، جوس بٹلر نے 83 رنز بنائے جس میں 8 چوکے اور 7 چھکے شامل تھے۔ جیکب بیٹھل نے 26 اور کپتان ہیری بروک نے 41 رنز بنائے۔
جنوبی افریقہ کی ٹیم رن چیس میں صرف 158 رنز ہی بنا سکی اور آل آؤٹ ہوگئی۔ آئڈن مارکرم نے سب سے زیادہ 41 رنز بنائے۔ انگلینڈ کے جوفرا آرچر نے 3 وکٹیں حاصل کیں۔
ٹی ٹوئنٹی سیریز 1-1 سے برابر ہو گئی ہے اور آخری میچ اتوار کو کھیلا جائے گا۔
