پی پی ایم اے کا ادویات کے قانون میں ترامیم پر ایس آئی ایف سی کی معاونت پر اظہارِ تشکر
خصوصی سرمایہ کاری سہولت کونسل کی مؤثر حکمت عملی کی بدولت پاکستان کی فارماسیوٹیکل صنعت میں جدت، اصلاحات اور سرمایہ کاری کو فروغ حاصل ہو رہا ہے۔
===========
پاکستان فارماسیوٹیکل مینوفیکچررز ایسوسی ایشن (پی پی ایم اے) نے ادویات کے قانون میں ترامیم پر ایس آئی ایف سی کی معاونت پر اظہارِ تشکر کیا ہے۔ ایسوسی ایشن کے مطابق، یہ ترامیم نہ صرف اصلاحی اقدامات کو عالمی اصولوں سے ہم آہنگ بنائیں گی، بلکہ اہم ادویات کی بلا تعطل فراہمی اور جدید علاج کی سہولیات کی راہ بھی ہموار کریں گی۔
پی پی ایم اے نے توقع ظاہر کی ہے کہ ان اقدامات سے فارماسیوٹیکل صنعت میں جدید ادویات کی تیاری کے ساتھ ساتھ غیر ملکی سرمایہ کاری میں بھی اضافہ ہوگا۔
بہترین سہولت کاری کے اعتراف میں چیئرمین پاکستان فارما مینوفیکچررز ایسوسی ایشن، توقیر الحق نے خصوصی خط کے ذریعے ایس آئی ایف سی کا شکریہ ادا کیا ہے۔ ان کا کہنا تھا کہ ایس آئی ایف سی کے ساتھ شراکت داری صحت کے شعبے میں بہتری اور صنعتی مسابقت کو فروغ دے گی۔
===================
www.jeeveypakistan.com
=======================
پی پی ایم اے نے اس عزم کا اعادہ کیا ہے کہ وہ صحت اور صنعت کے میدان میں ترقی کے لیے ایس آئی ایف سی کے ساتھ شراکت داری جاری رکھے گی۔
ایس آئی ایف سی کے اقدامات سے نہ صرف فارماسیوٹیکل بلکہ دیگر صنعتی شعبوں میں بھی سرمایہ کاری اور ترقی کی نئی راہیں کھل رہی ہیں۔
————————-
Courtesy ptv news urdu
