بھارت کے سابق کپتان مہندر سنگھ دھونی، جنہیں دنیا ایم ایس دھونی کے نام سے جانتی ہے، اپنے مداحوں کے لیے ایک نیا سرپرائز لے کر آرہے ہیں۔ اطلاعات ہیں کہ وہ بہت جلد سلور اسکرین پر ایکشن ہیرو کے طور پر جلوہ گر ہوں گے۔
بھارتی میڈیا کے مطابق یہ قیاس اس وقت زور پکڑ گیا جب بالی ووڈ اداکار آر مادھون نے اپنے سوشل میڈیا پر ایک مختصر ویڈیو جاری کی۔ یہ ویڈیو ان کے آنے والے پروجیکٹ کا ٹیزر ہے جس میں دھونی بھی دکھائی دے رہے ہیں۔
ویڈیو میں آر مادھون اور ایم ایس دھونی بلٹ پروف جیکٹس اور دھوپ کے چشمے پہنے ایک اسپیشل ٹاسک فورس کے کردار میں ایکشن کرتے ہوئے نظر آتے ہیں۔
اداکار مادھون کا کہنا ہے کہ اس پروجیکٹ کا نام “دی چیس” ہے جسے ہدایت کار وسن بالا نے ڈائریکٹ کیا ہے۔ اس میں دھونی ایکشن اسٹار کے طور پر شائقین کے سامنے آئیں گے۔
رپورٹس کے مطابق یہ پروجیکٹ جلد ریلیز کیا جائے گا، البتہ آر مادھون نے ابھی تک اس کے بارے میں مزید تفصیلات ظاہر نہیں کیں۔
https://www.instagram.com/p/DOSMKezCJs5/?utm_source=ig_embed&utm_campaign=embed_video_watch_again
