سندھ ٹیکنیکل بورڈDIT کے نتائج کا اعلان، کامیابی کی شرح 96.58 فیصد
کراچی ()سندھ بورڈ آف ٹیکنیکل ایجوکیشن کراچی کے ناظم امتحانات نے ڈپلومہ ان انفارمیشن ٹیکنالوجی (دو سالہ) کے پہلے سال (حصہ اول) مارچ تا اگست 2024 کے امتحانات کے نتائج کا اعلان کر دیا ہے۔ترجمان زوہیب احمد خان کے مطابق، امتحان میں کل 117 اُمیدواروں نے شرکت کی، جن میں سے 113 اُمیدوار کامیاب قرار پائے۔ کامیابی کی مجموعی شرح 96.58 فیصد رہی۔
کراچی نوجوان پارٹی (KNP) کی پہلی سالگرہ پر شاندار تقریب، بانی و چیئرمین فیضان حسین کی تقریب میں خصوصی شرکت
کراچی () کراچی نوجوان پارٹی (KNP) کی ایک سالہ سماجی خدمات کی تکمیل پر ایک پروقار تقریب کا انعقاد کیا گیا، جس میں خواتین، مرد حضرات اور بچوں کی بڑی تعداد نے شرکت کی۔ تقریب میں پارٹی کے بانی و چیئرمین فیضان حسین کی قیادت اور خدمات کو بھرپور خراجِ تحسین پیش کیا گیا۔ اس موقع پر پھولوں کا گلدستہ پیش کیا گیا اور ایک سال مکمل ہونے اور فیضان حسین کی سالگرہ کا کیک کاٹنے کی تقریب بھی منعقد ہوئی۔
واضح رہے کہ کراچی نوجوان پارٹی شہرِ قائد میں ٹریفک حادثات کی روک تھام، ٹریفک قوانین پر عمل درآمد، غریب و مستحق خاندانوں کو سستا راشن فراہم کرنے، طبی سہولیات کی فراہمی اور دینی امور میں معاونت جیسے اہم سماجی کاموں میں پیش پیش ہے۔ مزید برآں، موٹر سائیکل سواروں کے تحفظ کو یقینی بنانے اور ان کی موٹر سائیکلوں کی مفت مرمت جیسے اقدامات بھی پارٹی کی خدمات کا حصہ ہیں۔
