ٹرائی سیریز کا فائنل آج پاکستان اور افغانستان کے درمیان کھیلا جائے گا۔ یہ سیریز ایشیا کپ کی تیاری کے لیے تھی اور اس حساب سے دیکھا جائے تو لگ رہا ہے کہ افغانستان کی تیاری سب سے بہتر ہے۔
پاکستان نے ابھی بھی دو کھلاڑیوں کو بالکل موقع نہیں دیا، اور جو کھلاڑی کھیل رہے ہیں، ان میں بھی کافی مسائل ہیں۔
پاکستان ٹیم کا فائنل کمبینیشن اس سیریز میں واضح نہیں ہو سکا۔
سفیان مقیم اور ابرار احمد
ایک ٹیم میں کیوں نہیں کھیلتے، یہ سمجھ سے باہر ہے۔ محمد حارث کی بیٹنگ کسی کو سمجھ نہیں آرہی، فہیم اشرف اور محمد نواز میں سے کسی ایک کو کھیلانا چاہیے۔ ٹیم کو مناسب بولرز اور بیٹرز کے ساتھ میدان میں اترنا چاہیے۔
یہ کافی سوالات جمع ہو چکے ہیں جن کے جوابات پاکستان ٹیم کو جلد تلاش کرنے ہوں گے کیونکہ اب وقت نہیں ہے اور ایشیا کپ آ گیا ہے۔
