پاکستانی فلم میکرز بین الاقوامی اسکرینز پر اپنا لوہا منوا رہے ہیں۔ ہدایتکارہ شہرازاد مہر کی تازہ ترین فلم ‘دی کرفیو’ 4 ستمبر کو وینس بیینالے میں پیش کی گئی۔
فلم میں ستھیا سری دھرن، بالندر جوہل، سارا حیدر، راجیش بوس، کرس تھورن اور صلوہ خان مرکزی کردار ادا کر رہے ہیں۔ اسے لنڈسے بلئیر گولڈنر اور میترا جاوید نے پروڈیوس کیا ہے۔ فلم کی سینماٹوگرافی ڈسٹن لین نے اور پروڈکشن ڈیزائن انا نوواسکک نے کیا ہے۔ فلم کی تقسیم Fae Pictures اور Baby Daal Productions کر رہی ہیں۔
19 منٹ کی اس فلم میں پاکستانی امریکی ایان کی کہانی دکھائی گئی ہے جو اپنی بوڑھی نانی کا خیال رکھتا ہے۔ اس دوران دونوں زبان کی رکاوٹ سے لڑتے ہیں اور ایک دوسرے کی زبان سیکھنے کی کوشش کرتے ہیں۔ فلم یہ دکھاتی ہے کہ کس طرح نوآبادیاتی ماضی کی یادیں اور اثرات حال پر اثر انداز ہو سکتے ہیں۔
شہرازاد مہر کو 2023 Islamic Scholarship Fund کے نیشنل فلم گرانٹ سے نوازا گیا۔ وہ نیو یارک کی مقیم آرٹسٹ اور فلم میکر ہیں اور ان کی فلمیں مختلف بین الاقوامی اداروں اور فیسٹیولز جیسے Visions du Réel, RIDM, LA Film Forum, Anthology Film Archives, UnionDocs، اور Experiments in Cinema میں دکھائی جا چکی ہیں۔
ان کی فیچر فلم اسکرپٹ ‘Theory of Colors’ 2023 کے Hamptons Film Screenwriters Lab کے تین منتخب منصوبوں میں شامل ہوئی اور اسے Melissa Mathison Screenwriters Fund اور Cinestory Feature Retreat’s Hagan Hicks Underrepresented Women’s Voices Scholarship بھی ملا۔
اس سال وینس فلم فیسٹیول میں صرف پاکستانی فلم ‘دی کرفیو’ پیش کی گئی۔ اس سے قبل 2019 میں سائم صادق کی فلم ‘Darling’ وینس فلم فیسٹیول میں دکھائی گئی اور Best Short Film کا اعزاز جیتا تھا۔
فلم کی تقسیم کے بعد اسے آن لائن بھی سٹریمنگ کے ذریعے دیکھا جا سکے گا۔
