آسٹریا کے معروف ایتھلیٹ ونگ سوٹ پائلٹ پیٹر سلیزمین کا ونگ سوٹ بیس جمپ میں نیا ورلڈ سپیڈ ریکارڈ، سوئٹزرلینڈ کی ایکسٹیسی بورڈ سے چھلانگ لگا کر اڑان بھری۔
پیٹر سلیزمین نے سوئٹزرلینڈ میں سطح سمندر سے 3,713 میٹر بلند مشہور آئیگر پہاڑ کے نارتھ فیس سے چھلانگ لگائی۔سلیزمین نےپہاڑ کے ایکسٹیسی بورڈ نامی تنگ کنارے سے جمپ کیا ،دلیرانہ پرواز کے دوران 20 سیکنڈ میں 347 کلومیٹر فی گھنٹہ کی رفتار حاصل کی اور وہ کل 35 سیکنڈ تک فری فال میں رہے۔جس کے بعد وہ 1,640 میٹر کی بلندی پر کامیابی سے لینڈ کر گئے۔
اس سے قبل تیز ترین رفتار کا ریکارڈ 340 کلومیٹر فی گھنٹہ تھا۔38 سالہ سلیزمین کے ریکارڈ کو درست طریقے سے ناپنے کے لیے ان کے ونگ سوٹ میں ایک خاص ٹریکر نصب کیا گیا تھا، جبکہ ایک ریڈار گن اور سپیشلسٹ ڈرون کے ذریعے بھی تمام ڈیٹا حاصل کیا گیا۔
