اصلاحات کے مراحل مکمل ہونے پر دنیا کی کوئی طاقت معیشت کو ٹیک آف سے نہیں روک سکے گی ‘ ہمایوں اختر

وزیر عظم عمران خان نے اپنے عزم سے اپوزیشن کی ساری امیدوںاور سوچوںپر پانی پھیر دیا ہے ‘ سینئر مرکزی رہنما
لاہور(                 )پاکستان تحریک انصاف کے سینئر مرکزی رہنما و سابق وفاقی وزیر ہمایوں اختر خان نے کہا ہے کہ وزیر اعظم عمران خان سابقہ حکمرانوں کی طرح عوام کی آنکھوں میں دھول جھونکنے کی بجائے انہیں اصل حقائق سے آگاہ رکھے ہوئے ہیں ،پہاڑ جیسے چیلنجز کے باوجودوزیر اعظم عمران خان کبھی مایوس اور نا امید نہیںہوئے اور پاکستان بہت جلد عظیم ملک بنے گا ،اصلاحات کے مراحل مکمل ہونے پر دنیا کی کوئی طاقت ہماری معیشت کو ٹیک آف سے نہیں روک سکے گی ۔ اپنے ایک بیان میں ہمایوں اختر خان نے کہا کہ معاشی اشاریے ہر گزرتے دن کے ساتھ بہتر ہو رہے ہیں جس سے ظاہر ہوتا ہے کہ حکومت درست سمت میں گامزن ہے ۔جیسے جیسے معیشت مضبوط ہو گی اس کے اثرات عوام کی زندگیوںمیںبھی نمایاں طو رپر نظر آئیں گے ۔ انہوں نے کہا کہ سابقہ حکمران ہمارے لئے ورثے میں مسائل کے پہاڑ چھوڑ کرگئے اور اس کے یہ امیدیں بھی لگائے ہوئے تھے کہ ملک دیوالیہ ہو جائے گا لیکن وزیر عظم عمران خان نے اپنے عزم سے ان کی ساری امیدوںاور سوچوںپر پانی پھیر دیا ۔تحریک انصاف کی حکومت نے نہ صرف پاکستان کو دیوالیہ ہونے سے بچایا بلکہ آج ہمارے زر مبادلہ کے ذخائر مستحکم ہیں ، روپے کو استحکام ملنے سے ہماری معیشت کو مضبوط بنیاد ملی ہے، آنے والے مہینوں میں پالیسی ریٹ میں کمی سے مینوفیکچرننگ کا شعبہ عروج حاصل کرے گا جس سے روزگار کے نئے مواقع پیدا ہوں گے۔ ہمایوں اخترخان نے کہا کہ ہم نے کبھی یہ نہیں کہا کہ ڈیڑھ سالوں میں عوام کیلئے دود ھ اور شہد کی نہریںبہا دی ہیں لیکن بنیادی سہولیات کی فراہمی اور ان کی زندگیوںمیں خوشحالی لانے کے لئے عملی پیشرفت جاری ہے ۔سابقہ حکمرانوںکی کھودی گئی کرپشن کی نہروں کے آگے بندباندھ دیا ہے اور وہ وقت بھی آئے گا جب لوگ کرپشن کے لفظ کوبھی بھول جائیں گے ۔                                                    میڈیا سیل ہمایوں اختر خان                                             042-37187223     

اپنا تبصرہ بھیجیں