دوستوں، بھارت اور پاکستان کے درمیان بائی لیٹرل سیریز کو 13 سال ہو گئے ہیں۔ آخری بار دسمبر 2012 سے جنوری 2013 کے دوران پاکستان کا بھارت دورہ ہوا تھا، جس میں دونوں ٹیموں کے درمیان ون ڈے اور ٹی ٹوئنٹی سیریز کھیلی گئی تھیں۔ اس وقت پاکستان کی ٹی ٹوئنٹی ٹیم کے کپتان محمد حفیظ اور ون ڈے ٹیم کے کپتان مصباح الحق تھے، جبکہ بھارت کی قیادت ایم ایس دھونی کر رہے تھے۔ دونوں ٹیمیں بہت مضبوط اور متوازن تھیں اور دورے سے پہلے کافی جوش و خروش پیدا ہو چکا تھا۔
اس سیریز کے لیے بھارت کی طرف سے اشتہارات بھی جاری کیے گئے تھے جن میں ایم ایس دھونی، ویرات کوہلی اور سُریش رائنا یہ کہتے نظر آتے تھے: “AA RAHA HAI PAK… AANE DO”۔ پاکستانی شائقین بہت زیادہ تھے اور چاہتے تھے کہ ان کے اپنے کھلاڑی اس کا جواب دیں، اور واقعی ایسا ہی ہوا۔
ٹی ٹوئنٹی سیریز برابر رہی یعنی 1-1، لیکن ون ڈے سیریز میں پاکستان نے بھارت کو ان کے گھر میں 2-1 سے شکست دے دی۔
اس وقت بھارت کی ٹیم میں ویرندر سہواگ، ویرات کوہلی، یوراج سنگھ اور ایم ایس دھونی جیسے کھلاڑی شامل تھے، جبکہ پاکستان کی ٹیم میں محمد حفیظ، یونس خان، مصباح الحق، شعیب ملک، سعید اجمل اور عمر گل جیسے نامور کھلاڑی موجود تھے۔ یعنی دونوں ٹیموں میں اس وقت کے عظیم کھلاڑی یا لیجنڈز کھیل رہے تھے۔
