لاڑکانہ جامعہ المدینہ دعوت اسلامی کی جانب سے محفل میلاد اجتماع

لاڑکانہ (بيورو رپورٹ) جشن عید میلاد النبی صلی اللہ علیہ وسلم کے سلسلے میں فیضان مدینہ لاڑکانہ میں جامعہ المدینہ کی جانب سے محفل میلاد اجتماع منعقد ہوا ، جس میں تلاوت قران مجید کی سعادت حافظ اللہ ودایو نے حاصل کی، جبک نامور نعت خوان حافظ محمد مدنی رضا عطاری، محمد مہربان حسینی و دیگر نے عشق رسول اللہ صلی اللہ علیہ وسلم سے بھرپور نعتیں پڑھ کر سب کو جھومادیا، جس کے بعد جامعہ المدینہ کے طلبہ کرام میں محمد جعفر عطاری نے اردو، فیض حسین حسینی عربی، منظور حسین عطاری سندھی


اور محمد صدیق رضوی نے انگلش زبانوں میں اپنے خطابات کیئے، اس موقع پر دعوت اسلامی کے مبلغ محمد ذیشان علی عطاری نے محبت رسول اللہ صلی اللہ علیہ وسلم کے عنوان پر خصوصی بیان کیا.
جبکہ کنزالمدارس بورڈ کے تحت ہونے والے امتحانات میں پوزیشن ہولڈر طلباء کو انعامات بھی دیے گئے۔ آخر میں ملک پاکستان سندھ کو تمام اندرونی و بیرونی خطرات سے حفاظت، سیلاب کے دوران شہید ہونے والوں کیلئے اعلی درجات اور زخمیوں کی جلد صحتیابی سمیت سندھ کے لاڑکانہ شہر میں قیام امن و سلامتی کیلئے خصوصی دعائیں مانگی گئی.