پولیو کے 2 قطرے – ہر بچہ ہر بار
مشیر صحت احتشام علی، چیف سیکرٹری خیبر پختونخوا شہاب علی شاہ نے بچوں کو پولیو کے قطرے پلا کر پولیو مہم کا افتتاح کردیا۔
#KPInfo #KPHealth #EndPolioNow
صوبائی انسداد پولیو ٹاسک فورس کا اجلاس، آنے والی مہم کی حکمت عملی کا جائزہ
صوبائی انسداد پولیو ٹاسک فورس کا اجلاس چیف سیکرٹری خیبرپختونخوا شہاب علی شاہ کی صدارت میں منعقد ہوا، جس میں صوبے میں پولیو کے خاتمے کی جاری کوششوں کا جائزہ لیا گیا اور ستمبر میں ہونے والی دو مرحلوں پر مشتمل مہم کی تیاریوں کو حتمی شکل دی گئی۔
اجلاس میں انتظامی سیکرٹریز، قانون نافذ کرنے والے اداروں کے اعلیٰ افسران، عالمی شراکت دار اداروں یونیسف اور عالمی ادارہ صحت کے نمائندے، جبکہ قومی اور صوبائی ایمرجنسی آپریشن سینٹرز (ای او سی) کے کوآرڈینیٹرز شریک ہوئے۔ کمشنرز، ڈپٹی کمشنرز اور ڈسٹرکٹ پولیس افسران ویڈیو لنک کے ذریعے اجلاس میں شامل ہوئے۔
صوبائی ای او سی کے کوآرڈینیٹر نے اجلاس کو سابقہ فیصلوں پر عملدرآمد اور آنے والی مہم کے لائحہ عمل پر بریفنگ دی۔ اجلاس کو بتایا گیا کہ ویکسینیٹرز اور سپروائزرز کی تربیت مکمل کرلی گئی ہے۔
چیف سیکرٹری نے ڈپٹی کمشنرز کو ہدایت کی کہ وہ اپنے مائیکرو پلانز کا باریک بینی سے جائزہ لیں اور فیلڈ ٹیموں کے ساتھ قریبی رابطہ رکھیں تاکہ تربیت، مؤثر نگرانی اور بہتر حکمت عملی کے ذریعے مہم کو کامیاب بنایا جا سکے۔
انہوں نے کہا کہ سیاحتی علاقوں سمیت وہ اضلاع جہاں حالیہ بارشوں یا سیکیورٹی مسائل کے باعث مشکلات ہیں، وہاں خصوصی مائیکرو پلاننگ کی جائے۔
چیف سیکرٹری نے واضح کیا کہ پولیو کیسز میں حالیہ اضافہ اور ماحولیاتی سیمپلز میں وائرس کی موجودگی اس بات کا متقاضی ہے کہ مہم کو زیادہ مؤثر حکمت عملی، مضبوط نگرانی اور زمینی حقائق کو مدنظر رکھتے ہوئے آگے بڑھایا جائے۔ انہوں نے کمشنرز کو ہدایت کی کہ وہ ذاتی طور پر مہم کی نگرانی کریں، ضلعی ٹیموں کو ہر ممکن تعاون فراہم کریں اور کسی بھی مسئلے کو فوراً محکمہ صحت اور ان کے دفتر کے علم میں لائیں۔
چیف سیکرٹری نے پولیو کے خاتمے کو قومی فریضہ اور صحت عامہ کی سب سے بڑی ترجیح قرار دیتے ہوئے کہا کہ مہم کی کامیابی اعلیٰ معیار کے مائیکرو پلانز، تربیت یافتہ افرادی قوت اور سخت نگرانی پر منحصر ہے، تاکہ صوبے میں وائرس کے پھیلاؤ کو مستقل طور پر ختم کیا جا سکے۔
https://www.youtube.com/watch?v=5uur1wv4yi
