بن قاسم میں فائرنگ، پولیس اہلکار جان کی بازی ہار گیا

کراچی کے علاقے بن قاسم میں فائرنگ سے پولیس اہلکار جاں بحق ہوگیا۔

وزیر داخلہ سندھ ضیاء الحسن لنجار نے ایس ایس پی ملیر سے فائرنگ کے واقعے کی تفصیلات طلب کرلیں۔

انہوں نے کہا کہ آپریشن، انویسٹی گیشن پولیس تفتیش کے عمل کو کامیاب بنائیں، ملزمان کی گرفتاری کےلیے تمام تر اقدامات کو یقینی بنایا جائے۔

وزیر داخلہ سندھ نے مزید کہا کہ ابتدائی پولیس تفتیش اور پیشرفت سے آگاہ رکھا جائے، ایس ایس پی ملیر ٹیم کے ہمراہ شہید اہلکار کے گھر جائیں اور ورثا سے اظہار یکجہتی کریں۔