بھارتی گلوکار سونو نگم نے کہا ہے کہ وہ پاکستان کے معروف گلوکار علی ظفر سے مسلسل رابطے میں رہتے ہیں۔ سوشل میڈیا پر وائرل ہونے والی ایک ویڈیو میں سونو نگم نے علی ظفر کے ساتھ اپنی دوستی اور تعلقات کے بارے میں بات کی۔
انہوں نے بتایا کہ “میں ہر ہفتے یا ہر دو ہفتوں میں علی ظفر سے بات کرتا ہوں، وہ بہت اچھے اور نیک دل انسان ہیں۔” سونو نگم نے مزید کہا کہ وہ ہمیشہ ایسے لوگوں سے جڑے رہنا پسند کرتے ہیں جو ان کی طرح سوچ اور اقدار رکھتے ہوں۔
بھارتی گلوکار نے یہ بھی بتایا کہ وہ پاکستان کے لیجنڈری گلوکار عطاء اللہ عیسیٰ خیلوی کو اپنا محسن مانتے ہیں، کیونکہ انہوں نے اپنے کیریئر کا آغاز ان کے مشہور گانے ‘اچھا صلہ دیا تو نے میرے پیار کا’ سے کیا تھا۔
