ہاسٹل میں کسی بھی غیر متعلقہ فرد کو رہائش نہیں دی گئی، جبکہ سابقہ وارڈن بعض بے ضابطگیوں میں ملوث پائی گئی تھیں- ویمن یونیورسٹی کی ترجمان نے ایک وضاحتی بیان میں محترمہ فائزہ (سپرنٹنڈنٹ) کی جانب سے حالیہ پریس کانفرنس میں لگائے گئے الزامات کو یکسر مسترد کرتے ہوئے کہا ہے کہ ان الزامات میں حقائق کو سیاق و سباق سے ہٹ کر پیش کیا گیا، جو قابلِ مذمت ہے۔

ہاسٹل میں کسی بھی غیر متعلقہ فرد کو رہائش نہیں دی گئی، جبکہ سابقہ وارڈن بعض بے ضابطگیوں میں ملوث پائی گئی تھیں- ویمن یونیورسٹی کی ترجمان نے ایک وضاحتی بیان میں محترمہ فائزہ (سپرنٹنڈنٹ) کی جانب سے حالیہ پریس کانفرنس میں لگائے گئے الزامات کو یکسر مسترد کرتے ہوئے کہا ہے کہ ان الزامات میں حقائق کو سیاق و سباق سے ہٹ کر پیش کیا گیا، جو قابلِ مذمت ہے۔
تفصیلات کے مطابق

کوئٹہ 26اگست2025: سردار بہادر خان ویمن یونیورسٹی کی ترجمان نے ایک وضاحتی بیان میں محترمہ فائزہ (سپرنٹنڈنٹ) کی جانب سے حالیہ پریس کانفرنس میں لگائے گئے الزامات کو یکسر مسترد کرتے ہوئے کہا ہے کہ ان الزامات میں حقائق کو سیاق و سباق سے ہٹ کر پیش کیا گیا، جو قابلِ مذمت ہے۔

ترجمان کا کہنا تھا کہ آڈٹ اعتراضات کے بعد تمام کنٹریکٹ آسامیاں باقاعدہ اخبارات میں مشتہر کی گئیں، اور ان میں تمام قانونی تقاضے پورے کیے گئے۔ مزید وضاحت کرتے ہوئے کہا گیا کہ ہاسٹل میں کسی بھی غیر متعلقہ فرد کو رہائش نہیں دی گئی، جبکہ سابقہ وارڈن (مسمات ح کاکڑ) بعض بے ضابطگیوں میں ملوث پائی گئی تھیں

ترجمان نے محترمہ فائزہ کی جانب سے وائس چانسلر ڈاکٹر روبینہ مشتاق کو کسی یونین سے منسلک کرنے کے الزام کو بھی بے بنیاد قرار دیا اور کہا کہ یہ اقدام نہ صرف وائس چانسلر کی ساکھ کو نقصان پہنچانے کی کوشش ہے بلکہ ادارے کی شہرت کو بھی متاثر کرنے کے مترادف ہے۔

یونیورسٹی انتظامیہ نے ان الزامات کی سختی سے تردید کرتے ہوئے کہا ہے کہ اس حوالے سے قانونی کارروائی عمل میں لائی جائے گی۔
=================================

جامعہ کراچی ڈی این اے لیب میں ایم ایل اوز کا تربیتی سیشن

تقریبا35ایم ایل اوز کی تربیتی سیشن میں شرکت، پروفیسر رضا شاہ و دیگر کاآئی سی سی بی ایس میں خطاب

ایس ایف ڈی ایل9ہزار سے زائد ڈی این اے اور فرانزک کیسز انجام دے چکا ہے

کراچی – بین الاقوامی مرکز برائے کیمیائی و حیاتیاتی علوم (آئی سی سی بی ایس)، جامعہ کراچی میں قائم پاکستان کی جدید سندھ فرانزک ڈی این اے اور سیرولوجی لیبارٹری (ایس ایف ڈی ایل) کے زیر اہتمام ایک روزہ تربیتی دورے میں35سے زائد میڈیکو لیگل آفیسرز نے شرکت کی۔ اس تربیتی دورے کا مقصد شرکاء کو فارنزک سائنس کے طریقہ کار اور جرائم سے متلعق تحقیقات میں اس کے کلیدی کردار سے براہِ راست روشناس کرانا تھا۔ محکمہ صحت سندھ اور ایس ایف ڈی ایل جامعہ کراچی کے باہمی تعاون سے اس تربیتی سیشن کا انعقادہوا۔

آئی سی سی بی ایس جامعہ کراچی کے ڈائریکٹر پروفیسر ڈاکٹر محمد رضا شاہ، اسپیشل سیکریٹری صحت جمشیدعالم، پولیس سرجن کراچی ڈاکٹر سمیّہ سید، ڈی آئی جی انفارمیشن ٹیکنالوجی، سینٹرل پولیس آفس عمران یعقوب، ایس ایف ڈی ایل کے انچارج اور پراجیکٹ ڈائریکٹر ڈاکٹر اشتیاق احمد خان، ایس ایف ڈی ایل کے قانونی مشیر ڈاکٹر عامر حسین سمیت دیگر ماہرین نے خطاب کیا۔ اپنے خطاب میں پروفیسر ڈاکٹر محمد رضا شاہ نے شرکاء کو خوش آمدید کہا اور بتایا کہ آئی سی سی بی ایس اور محکمہ صحت سندھ کے درمیان جدید ترین ایس ایف ڈی ایل کے آپریشن میں مضبوط تعاون قائم ہے۔ انہوں نے کہا کہ قیام کے بعد سے ایس ایف ڈی ایل نے بڑے سانحات اور ہائی پروفائل فوجداری مقدمات میں اہم کردار ادا کیا ہے۔ انہوں نے مزید بتایا کہ اب تک ایس ایف ڈی ایل9ہزار سے زائد ڈی این اے اور فرانزک کیسز انجام دے چکا ہے۔ پروفیسر شاہ نے عدالتی نظام میں ڈی این اے فرانزک تجزیہ کی اہمیت پر بھی زور دیا اور کہا کہ تحقیق و تعلیمی برتری کے ذریعے آئی سی سی بی ایس پاکستان کا مثبت تشخص دنیا میں اجاگر کر رہا ہے۔ انہوں نے ڈاکٹر اشتیاق احمد خان اور ان کے ساتھیوں کی ٹیم ورک کو سراہا جو باقاعدگی سے متعلقہ ماہرین کے لیے ایسے اہم تربیتی پروگرامز منعقد کرتے ہیں۔ ڈاکٹر سمیہ سید نے ثبوتی نمونوں کے درست حصول اور مؤثر تحفظ کی اہمیت پر زور دیا، خاص طور پر جنسی تشدد کے متاثرین اور جاں بحق افراد کے معاملات میں۔ انہوں نے میڈیکو لیگل سرٹیفکیٹس اور پوسٹ مارٹم رپورٹس کی درست دستاویز بندی کی ضرورت پر بھی زور دیا۔ سیشن کے دوران ڈی آئی جی انفارمیشن ٹیکنالوجی، عمران یعقوب نے سیف پورٹل پر پریزنٹیشن دی۔ انہوں نے جدید پولیسنگ میں اس کی اہمیت اجاگر کرتے ہوئے بتایا کہ یہ پلیٹ فارم ڈیٹا تک رسائی کو آسان بناتا ہے، آپریشنل کارکردگی کو بہتر کرتا ہے اور پولیس معلومات کی رسائی و انتظام کے لیے ایک مرکزی نظام کے ذریعے ڈیٹا کے تحفظ کو یقینی بناتا ہے۔ ڈاکٹر اشتیاق احمد خان نے ایس ایف ڈی ایل کے عملی ڈھانچے پر روشنی ڈالی اور کہا کہ یہ ادارہ فرانزک سائنس میں استعداد کار بڑھانے کا ایک نمایاں مرکز بن چکا ہے، جو ججز، تفتیشی افسران، میڈیکو لیگل ماہرین، پراسیکیوٹرز اور کرائم سین انویسٹیگیٹرز کے لیے باقاعدگی سے تربیت کا اہتمام کرتا ہے۔ انہوں نے آئی سی سی بی ایس کی ترقی پر بھی تفصیلی پریزنٹیشن دی۔ ڈاکٹر عامر حسین نے قانوی حوالوں سے متعلقہ موضوع پر روشنی ڈالی۔ دورہ کرنے والے ایم ایل اوز نے لیبارٹری کا معائنہ کیا، اس کے آپریشنز کا مشاہدہ کیا اور کام کے معیار پر اطمینان کا اظہار کرتے ہوئے جدید ترین آلات اور فنی مہارت کو سراہا۔ یہ پروگرام ایک تکنیکی نشست اور سوال و جواب کے سیشن کے ساتھ مکمل ہوا جس کی میزبانی ڈاکٹر اشتیاق احمد خان اور دیگر ماہرین نے کی۔

میڈیا ایڈوائزر

خبرنامہ نمبر5821/2025
گوادر 26اگست2025: رکن صوبائی اسمبلی مولانا ہدایت الرحمان بلوچ ڈپٹی کمشنر حمود الرحمٰن کے ہمراہ بلوچی زبان کے نامور ادیب، دانشور اور شاعر سید ظہور شاہ ہاشمی کی سو سالہ برسی کی تیاریوں کے سلسلے میں سیاسی، سماجی شخصیات اور معتبرین کے ساتھ اجلاس کی صدارت کی۔
اجلاس میں واجہ اشرف حسین، ماجد سہرابی، چیئرمین میونسپل کمیٹی گوادر ماجد جوہر، سمی بلوچ، انور عیسیٰ اور واجہ رفیق جمعہ سمیت دیگر معزز شخصیات نے بھی شرکت کی۔اجلاس میں فیصلہ کیا گیا کہ جنوری 2026 کے پہلے ہفتے سے پورے سال کو “سید ظہور شاہ ہاشمی کا سال” قرار دے کر مختلف تقریبات کا آغاز کیا جائے گا، جن میں علمی و ادبی پروگرام، مشاعرے، کتب میلے اور دیگر سرگرمیاں شامل ہوں گی۔ ان تقریبات میں اسکولوں، کالجوں، یونیورسٹیوں، اکیڈمیوں اور مختلف علمی و سماجی اداروں کے ساتھ ساتھ نامور شخصیات بھی شریک ہوں گی۔رکن صوبائی اسمبلی مولانا ہدایت الرحمان بلوچ اور ڈپٹی کمشنر حمود الرحمٰن نے اعلان کیا کہ اس سال کے دوران سید ظہور شاہ ہاشمی کی 16 کتابیں شائع کی جائیں گی جبکہ افتتاحی تقریب میں مرحوم کے اہلِ خانہ کو بھی خصوصی طور پر مدعو کیا جائے گا۔مزید برآں، اجلاس میں ایک خصوصی کمیٹی تشکیل دی گئی جس کے سربراہ مولانا ہدایت الرحمان بلوچ اور ڈپٹی کمشنر حمود الرحمٰن ہوں گے۔ کمیٹی کے دیگر اراکین میں صدر سید ظہور شاہ ہاشمی اکیڈمی واجہ علی عیسیٰ، انور عیسیٰ، واجہ رفیق جمعہ، چیئرمین میونسپل کمیٹی ماجد جوہر، ماجد سہرابی اور ناصر سہرابی شامل ہوں گے۔
اس موقع پر فیصلہ کیا گیا کہ سید ظہور شاہ ہاشمی کی سو سالہ برسی میں گوادر میں لیٹریری فیسٹیول بھی منعقد کیے جائیں گے گا، جس میں دانشوروں، محققین اور ادیبوں کو مدعو کیا جائے گا تاکہ سید ظہور شاہ ہاشمی کی علمی و ادبی خدمات کو ہر سطح پر خراجِ عقیدت پیش کیا جا سکے۔

خبرنامہ نمبر5822/2025
چمن 26 اگست 2025 :
ڈپٹی کمشنر حبیب احمد بنگلزئی کی زیر صدارت ڈسٹرکٹ ایجوکیشن گروپ کا اجلاس منعقد ہوا اجلاس میں ڈسٹرکٹ ایجوکیشن آفیسر عبدالقدوس خان اچکزئی، ڈسٹرکٹ ایجوکیشن آفیسر فیمیل عظمیٰ گیلانی، ڈپٹی ڈسٹرکٹ آفیسر ایجوکیشن حاجی عبداللہ مسرور، ضلعی اکاؤنٹ افسر اور ضلعی صدر جی ٹی اے حاجی دولت خان ، انور خان و دیگر افسران نے شریک تھے۔
اجلاس میں ضلع چمن کی تمام تعلیمی درسگاہوں اور اور افسران کی کارکردگی اور انتظامی امور پر تفصیلی تبادلہ خیال کیا گیا اجلاس میں ڈی سی چمن کو ڈی ای او میل اور فیمیل نے ضلع چمن محکمہ تعلیم کے حوالے سے تفصیلی بریفنگ دی اجلاس میں ضلع چمن کی اس مہینے کی محکمہ تعلیم کی تمام سکولوں کی دورے کے حوالےسے تفصیلی معلومات فراہم کی گئیں اور غیر حاضر اساتذہ کی بھی تفصیلی رپورٹ پیش کی گئی اور مختلف تعلیمی اداروں کو درپیش مسائل اور مشکلات پر بحث کی گئی تمام سکولوں کی نصابی سرگرمیوں کی رپورٹ پیش کی گئی اور مختلف سکولوں میں یونیسف اور آئی آر سی کی ترقیاتی کاموں پر پیش رفت پر تفصیلی معلومات فراہم کی گئیں
اجلاس میں فیصلہ کیا گیا کہ مستقل غیر حاضر ملازمین کو ڈپٹی سے معطل کرکے انھیں ڈیوٹی سے فارغ کیے جائیں گے جبکہ بغیر کسی پیشگی اطلاع کے غیرحاضر ملازمین آور اساتذہ کی تنخواہیں کھاٹی جائیں گی اور انکے خلاف سخت محکمانہ کارروائی عمل میں لائی جائے گی اجلاس سے خطاب کرتے ہوئے ڈی سی چمن نے کہا کہ محکمہ تعلیم کی تمام آفیسران اور سٹاف کو اپنی حاضریوں کو یقینی بنائیں اور وقت کی پابندی کریں کیونکہ طلباء و طالبات کی پڑھائی اور درس وتدریس کا دارومدار اساتذہ کی حاضری اور کلاسوں میں موجودگی پر منحصر ہے انہوں نے کہا کہ اس حوالےسے ہم کسی قسم کی مصلحت پسندی اور نرمی کا مظاہرہ نہیں کریں گے ڈی سی چمن نے کہا کہ تمام مانیٹرنگ ٹیمیں مانیٹرنگ کی عمل کو تیز کریں ڈسٹرکٹ ایجوکیشن آفیسر عبدالقدوس اچکزئی نے اجلاس سے خطاب کرتے ہوئے کہا کہ تعلیمی اداروں کی حالت سدھارنے کیلئے کمیونٹی اور ڈیپارٹمنٹ کا ایک دوسرے کیساتھ روابط بڑھانے اور کوآپریشن کرنا بے حد ضروری ہے انہوں نے کہا کہ اگر کمیونٹی اساتذہ کرام کی عزت و تکریم کرینگے تو ان سے اساتذہ کی دلجوئی کیساتھ ساتھ ان کے بچے مہذب اور کار آمد شہری بن کر ابھریں گے

خبرنامہ نمبر5823/2025
چمن 26 اگست 2025:
ڈی سی چمن حبیب احمد بنگلزئی کی زیر صدارت ڈسٹرکٹ ہیلتھ کمیٹی کا اجلاس منعقد کیا گیا اجلاس میں ڈی ایچ او ڈاکٹر نوید بادینی ایم ایس ڈاکٹر عبدالرشید ناصر پی پی ایچ آئی ضلعی سربراہ اکرم خان اچکزئی اور محکمہ صحت کے دیگر افسران شریک تھے ڈی سی چمن کو اجلاس میں ضلع کی تمام ہیلتھ یونٹس بی ایچ یوز ڈسپنسریز رورل ہیلتھ سنٹرز اور ضلع میں موجود محکمہ صحت کی کارکردگی ڈاکٹرز اور سٹاف کی پرفارمینس ایمرجنسی و دیگر ادویات آلات مشینری اور دیگر ضروری سہولیات اور سامان کے حوالےسے تفصیلی معلومات فراہم کی گئیں اجلاس میں ضلع کی تمام ہیلتھ یونٹس اور ہسپتالوں میں ایمرجنسی ادویات کی فراہمی اور مشینری کے حوالےسے ڈی سی چمن کو تفصیلی معلومات فراہم کی گئیں ڈی سی چمن نے کہا کہ ہسپتالوں میں تمام ڈاکٹرز اور سٹاف اپنی حاضریوں کو یقینی بنائیں اور وقت کی پابندی کریں تا کہ ہم بے سہارا لوگوں کی علاج و معالجہ میں کامیاب ہوں انہوں نے کہا کہ ڈاکٹرز قوم کے مسیحا ہوتے ہیں لہذا ڈاکٹرز اپنی پیشہ ورانہ صلاحیتوں کو بروئے کار لاتے ہوئے اپنی خدمات کو ایمانداری اور دیانتداری سے ادا کریں ۔

خبرنامہ نمبر5821/2025
گوادر 26اگست2025: رکن صوبائی اسمبلی مولانا ہدایت الرحمان بلوچ نے کپر بنڈی اور چر میں دو نئے بنیادی مراکز صحت (بی ایچ یوز) کا افتتاح کیا۔ اس سے قبل وہ پچھلے ہفتے آٹھ نئے بی ایچ یوز کا افتتاح بھی کر چکے ہیں۔
افتتاحی تقریب میں ڈسٹرکٹ ہیلتھ آفیسر ڈاکٹر عبداللطیف دشتی اور پی پی ایچ آئی کے مانیٹرنگ اینڈ ایویلیوشن آفیسر صابر حیاتان بھی شریک تھے۔
ان 10 نئے بی ایچ یوز کے قیام سے گوادر کے دور دراز علاقوں کے عوام کو اب بنیادی طبی سہولیات ان کے گھر کی دہلیز پر میسر ہوں گی۔اس موقع پر رکن صوبائی اسمبلی مولانا ہدایت الرحمان بلوچ نے کہا کہ صحت اور تعلیم عوام کا بنیادی حق ہیں اور ان پر کوئی سمجھوتہ نہیں کیا جائے گا۔ ان کا کہنا تھا کہ میری بھرپور کوشش ہے کہ شہریوں کو ان کے بنیادی حقوق اور سہولیات ان کے گھر کی دہلیز تک پہنچائے جائیں۔ڈسٹرکٹ ہیلتھ آفیسر ڈاکٹر عبداللطیف دشتی نے اس موقع پر کہا کہ ڈسٹرکٹ سپورٹ منیجر پی پی ایچ آئی ڈاکٹر مرشد دشتی نے نئے بی ایچ یوز کی تعمیر اور تیاری میں اہم کردار ادا کیا ہے۔