بھارتی میڈیا کے مطابق مقبوضہ جموں و کشمیر میں مسلسل شدید بارشیں جاری ہیں، جس کے نتیجے میں پچھلے 24 گھنٹوں میں 190.4 ملی میٹر بارش ریکارڈ کی گئی۔
علاقائی انتظامیہ نے مقامی لوگوں کو دریا، نالوں اور پہاڑوں سے دور رہنے کی ہدایات جاری کی ہیں۔
متوقع ہے کہ وادی میں 27 اگست تک مزید شدید بارشیں ہوں گی، جس کے باعث زمین کھسکنے (لینڈ سلائیڈنگ) کا خطرہ ہے۔
حال ہی میں شدید بارش کے باعث جموں پٹھان کوٹ شاہراہ پر پل کو نقصان پہنچا، جس کی وجہ سے ٹریفک کی روانی متاثر ہو گئی۔
تاریخی ریکارڈ کے مطابق، اس علاقے میں اس سے قبل اگست 1926ء میں 228.6 ملی میٹر بارش ریکارڈ کی گئی تھی۔
