کراچی میں ڈرگ روڈ کے انڈر پاس میں ہونے والے ایک ٹریفک حادثے میں خاتون سمیت 3 افراد جاں بحق ہو گئے، جبکہ بس کے ڈرائیور کو گرفتار کر لیا گیا ہے۔
ریسکیو حکام کے مطابق حادثے میں ایک خاتون زخمی ہوئی ہیں، جنہیں فوری طور پر اسپتال منتقل کر دیا گیا ہے۔
ریسکیو کا کہنا ہے کہ یہ حادثہ نامعلوم گاڑی اور موٹر سائیکلوں کی ٹکر کے نتیجے میں پیش آیا۔
پولیس حکام نے بتایا کہ حادثے میں ملوث فرار افراد کی تلاش جاری ہے۔
ایس ایس پی ایسٹ، ڈاکٹر فرخ کے مطابق یہ واقعہ مسافر بس کی ٹکر کے باعث ہوا۔ بس کو ناتھا خان سے تحویل میں لے لیا گیا ہے اور ڈرائیور کو گرفتار کر لیا گیا ہے۔























