بالی وڈ کے مشہور اداکار اکشے کمار اور سیف علی خان پہلی بار 18 سال بعد ایک ساتھ فلم میں جلوہ گر ہوں گے۔ انڈین میڈیا کے مطابق دونوں اداکاروں نے ہدایتکار پریہ درشن کی نئی فلم حیوان کی شوٹنگ باضابطہ طور پر شروع کر دی ہے۔
سنسنی خیز فلم حیوان کی پروڈکشن گزشتہ روز کیرالہ میں شروع ہوئی، جہاں اکشے کمار نے ایک ویڈیو شیئر کی جس میں وہ ہدایتکار اور ساتھی اداکار کے ساتھ خوشگوار گفتگو کرتے نظر آئے۔ ویڈیو میں اکشے کمار ایک ٹی شرٹ پہنے ہیں جس پر “بزرگ” لکھا ہوا تھا، جس پر پریہ درشن نے کہا کہ اس پر “حیوان” لکھا ہونا چاہیے۔
اکشے کمار نے مداحوں کو بتایا کہ سیف علی خان ایک طرح کا شیطان ہیں—ایک وہ جسے سب جانتے ہیں اور ایک وہ جسے کوئی نہیں جانتا۔ انہوں نے مزید کہا کہ سب میں تھوڑا بہت شیطان موجود ہوتا ہے، کوئی باہر سے بزرگ، کوئی اندر سے حیوان۔ اکشے کمار نے کہا کہ سیف علی خان کے ساتھ دوبارہ کام کرنا 18 سال بعد بہت خوشی کی بات ہے۔
واضح رہے کہ دونوں اداکار آخری بار 2008 میں ریلیز ہونے والی فلم ٹشن میں ایک ساتھ نظر آئے تھے۔
