پاکستان کے ماضی کے مشہور فلمی ہیرو اور گلوکار ببرک شاہ نے موجودہ دور کے اداکاروں پر اپنی رائے دیتے ہوئے فہد مصطفیٰ کو اچھا اداکار قرار دینے سے انکار کر دیا اور فواد خان کو زیادہ سراہا ہوا (اوور ریٹڈ) قرار دے دیا۔
حال ہی میں ببرک شاہ ایک نجی ٹی وی پروگرام میں مہمان کے طور پر شریک ہوئے، جہاں انہوں نے مختلف موضوعات پر اپنے خیالات کا اظہار کیا۔
پروگرام کے ایک حصے میں ببرک شاہ سے کہا گیا کہ موجودہ دور کے چند معروف اداکاروں کو فلمی معیار کی بنیاد پر نمبر دیں۔ ان اداکاروں میں حمزہ علی عباسی، عمران عباس، احسان خان، فیصل قریشی، فہد مصطفیٰ اور فواد خان شامل تھے۔
ببرک شاہ نے حمزہ علی عباسی کو حقیقی فلمی ہیرو قرار دیتے ہوئے 10 میں سے 7 نمبر دیے۔ عمران عباس، احسان خان اور فیصل قریشی کو ٹی وی کے اعتبار سے 10 میں سے 10 نمبر دیے، لیکن فلموں کے لیے صفر نمبر رکھے۔
انہوں نے فواد خان کو 5 نمبر دیتے ہوئے اوور ریٹڈ قرار دیا اور کہا کہ ان میں خاص ٹیلنٹ نہیں، اور لوگوں نے زبردستی ان سے اداکاری کروائی ہے۔
فہد مصطفیٰ کے بارے میں ان کا کہنا تھا کہ وہ فلموں کے لیے نہیں بنے اور ٹی وی ڈراموں میں بھی ان کی اداکاری کچھ خاص نہیں، البتہ وہ اچھے میزبان ہیں۔
https://www.instagram.com/p/DNlWI2WMM02/?utm_source=ig_embed&utm_campaign=invalid&ig_rid=0c30d0bc-a3aa-4d03-84be-6c1e0d602e08
