کراچی کے علاقے ایم اے جناح روڈ پر صدر سیون ڈے سی بریز پلازہ کے قریب پٹاخوں کے ایک گودام میں آگ بھڑک اٹھی، جس کے بعد یکے بعد دیگرے دھماکے بھی ہوئے۔ واقعے میں متعدد افراد کے زخمی ہونے کی اطلاعات ہیں۔
ابتدائی اطلاعات کے مطابق 13 زخمیوں کو جناح اسپتال جبکہ 7 کو سول اسپتال منتقل کیا گیا ہے۔ دھماکوں کی شدت سے اطراف کی عمارتوں کے شیشے ٹوٹ گئے اور علاقے میں گھنا دھواں پھیل گیا۔
آگ لگنے کی اطلاع ملتے ہی ریسکیو ٹیمیں اور فائر بریگیڈ موقع پر پہنچ گئیں۔ کے ایم سی کے 5 فائر ٹینڈرز اور ایک اسنارکل آگ بجھانے کی کوششوں میں مصروف ہیں۔ ایس ایس پی ساؤتھ مہروز علی کے مطابق زیادہ تر افراد شیشے لگنے سے زخمی ہوئے ہیں، جب کہ امدادی کارروائیاں تیزی سے جاری ہیں۔
ایس ایس پی ایسٹ فرخ رضا نے کہا کہ دھماکے کا واقعہ ڈسٹرکٹ ساؤتھ میں پیش آیا، اور ایسٹ پولیس بھی پریڈی پولیس کے ساتھ امدادی کاموں میں معاونت کر رہی ہے۔ آگ بجھانے کے لیے ابتدائی طور پر تین فائر ٹینڈرز بھی روانہ کیے گئے تھے۔























