بالی ووڈ کے عظیم اداکار امیتابھ بچن بھی ممبئی کی تیز بارشوں سے محفوظ نہ رہ سکے، اور ان کا 200 کروڑ روپے کا مشہور بنگلہ ’پرتیکشا‘ بارش کے پانی میں ڈوب گیا۔
غیر ملکی میڈیا رپورٹس کے مطابق مون سون کی شدید بارشوں نے ممبئی میں تباہی مچا دی ہے اور شہر کی سڑکیں تالاب جیسا منظر پیش کر رہی ہیں، جس سے روزمرہ زندگی بری طرح متاثر ہوئی ہے۔
سوشل میڈیا پر ایک وائرل ویڈیو میں دیکھا جا سکتا ہے کہ ممبئی کے علاقے جوہو کی سڑکیں پانی میں ڈوبی ہوئی ہیں۔ ویڈیو میں ایک شخص امیتابھ بچن کے بنگلے کا مین گیٹ کھولتا ہے اور اندر داخل ہو کر دکھاتا ہے کہ پانی پورے گھر میں داخل ہو چکا ہے۔
ویڈیو میں مذکورہ شخص کا کہنا ہے کہ ”چاہے آپ کے پاس کتنا ہی پیسہ کیوں نہ ہو، چاہے آپ امیتابھ بچن ہوں یا امبانی، ممبئی کی بارش سے کوئی محفوظ نہیں“۔
