ملک بھر میں مون سون بارشوں کے باعث متعدد ٹرینیں معطل

ملک کے مختلف حصوں میں مون سون بارشوں کا سلسلہ جاری ہے، جس کی وجہ سے کئی علاقوں میں سیلابی حالات پیدا ہو گئے ہیں۔ اسی پیش منظر کے پیش نظر محکمہ ریلوے نے کئی ٹرینوں کو عارضی طور پر معطل کرنے کا اعلان کیا ہے۔

تفصیلات کے مطابق بارشوں کی وجہ سے ٹرینوں کے شیڈول میں شدید خلل پڑا ہے اور اندرون ملک آنے اور جانے والی ٹرینیں کئی گھنٹوں تاخیر کا شکار ہیں۔

ریلوے حکام نے بتایا کہ قراقرم ایکسپریس کو معطل کر دیا گیا ہے، اور اس کے مسافروں کو پاک بزنس اور کراچی ایکسپریس میں منتقل کیا جائے گا۔

اسی طرح، شاہ حسین ایکسپریس 21 سے 25 اگست تک بند رہے گی، جبکہ مسافروں کو دیگر ٹرینوں اور گرین لائن ایکسپریس میں ایڈجسٹ کیا جائے گا۔ مزید برآں، خوشحال خان خٹک ایکسپریس کو بھی تین دن کے لیے معطل رکھنے کا فیصلہ کیا گیا ہے۔