ملک سے پولیو کے خاتمے کیلئے پرعزم ہیں، وزیراعظم محمد شہباز شریف

ملک سے پولیو کے خاتمے کیلئے پرعزم ہیں، وزیراعظم محمد شہباز شریف
August 19, 2025
اسلام آباد :وزیراعظم محمد شہباز شریف نے کہا ہے کہ حکومت، شعبۂ صحت، پولیو ورکرز اور تمام متعلقہ ادارے ملک سے پولیو کے مکمل خاتمے کے لیے پرعزم ہیں۔ انہوں نے کہا کہ پولیو کے خاتمے کی راہ میں مشکلات ضرور ہیں مگر یہ ناممکن نہیں، اور ہم اپنے عزم، محنت اور قومی یکجہتی سے پاکستان کے بچوں کا محفوظ مستقبل یقینی بنائیں گے۔

یہ بات انہوں نے روٹری انٹرنیشنل فاؤنڈیشن کے صدر فرانسیسکو اریزو (FRANCESCO AREZZO) سے ملاقات کے دوران کہی، جنہوں نے ایک وفد کے ہمراہ وزیراعظم سے اسلام آباد میں ملاقات کی۔ اس موقع پر وفاقی وزیرِ صحت سید مصطفیٰ کمال، وزیراعظم کی انسداد پولیو کیلئے نمائندہ خصوصی عائشہ رضا فاروق اور دیگر اعلیٰ حکام بھی موجود تھے۔

وزیراعظم کا کہنا تھا کہ پولیو مہمات میں پولیو ورکرز کا کردار نہایت قابل تحسین ہے۔انہوں نے کہا کہ روٹری انٹرنیشنل کے شکرگزار ہیں کہ وہ اس موذی مرض کے پاکستان سے خاتمے کیلئے باقی بین الاقوامی اداروں کی طرح بھرپور تعاون کر رہے ہیں۔

وفد نے حکومت پاکستان کے انسداد پولیو اقدامات کی تعریف کرتے ہوئے کہا کہ وزیراعظم کی خصوصی توجہ اور مؤثر قیادت کی بدولت ملک سے اس موذی مرض کا جلد خاتمہ ممکن ہوجائے گا ۔ روٹری انٹرنیشنل نے انسداد پولیو کے لیے اپنی معاونت جاری رکھنے کے عزم کا اعادہ کیا۔

وفد نے بتایا کہ گزشتہ برس روٹری انٹرنیشنل نے 500 ملین ڈالر پولیو کے خاتمے کی مہم پر پاکستان میں خرچ کیے، اور رواں برس بھی خطیر رقم خرچ کرنے کا ارادہ رکھتی ہے۔ وفد نے وزیراعظم کی جانب سے انسداد پولیو ٹیم کے انتخاب اور ان کی کوششوں کو بھی سراہا۔

https://www.youtube.com/watch?v=5uur1wv4yi

پرائم منسٹر آفس
(میڈیا ونگ)

اسلام آباد: 19 اگست 2025.

وزیرِ اعظم محمد شہباز شریف کا پاکستان اسٹاک ایکسچینج میں ہنڈرڈ انڈیکس 1 لاکھ 50 ہزاربیسس پوائنٹس کی تاریخی سطح عبور کرنے پر اطمینان کا اظہار، کاروباری برادری کے حکومتی پالیسیوں پر اعتماد کا شکریہ

اللہ کے فضل و کرم سے معیشت کی بہتری کی بدولت سرمایہ کاروں اور تاجر برادری کا اعتماد بحال ہوا. وزیرِ اعظم

ملک ترقی کی جانب گامزن ہے، مگر مزید محنت درکار ہے. وزیرِ اعظم

معاشی ٹیم نے شب و روز محنت سے معیشت کو مشکلات سے نکالا. وزیرِ اعظم

سرمایہ کاروں و تاجر برادری نے مشکل وقت میں بھی پاکستان میں معاشی سرگرمیاں جاری رکھیں، جو قابل تحسین ہے. وزیرِ اعظم

ملک میں کاروبار کی ترقی و سرمایہ کاروی میں اضافے سے روزگار کے مواقع پیدا ہونگے. وزیرِ اعظم