کراچی میں نجی کمپنی کے عملے سے 1 کروڑ 51 لاکھ کی نقدی لوٹ لی گئی

کراچی فش ہاربر میں نجی کمپنی کے ملازمین سے ڈکیتی کی واردات ہوئی ہے۔

پولیس کے مطابق ملازمین بینک سے رقم لے کر نکلے تو 3 موٹر سائیکل پر سوار 5 ملزمان نے پیچھا کیا۔

ایس ایچ او نندلال کا کہنا ہے کہ ملازمین بینک سے 1 کروڑ 51 لاکھ روپے رقم لے کر نکلے تو 5 ملزمان نے پیچھا کیا۔

پولیس کے مطابق ملزمان کمپنی کے باہر ملازمین سے رقم اور گارڈ سے اسلحہ چھین کر فرار ہو گئے۔