سرگودھا کی تحصیل بھیرہ کے راجباہ میں خاتون کی تیرتی نعش
نامعلوم 50 سالہ خاتون کی طاہرہ آباد کالونی بھیرہ کے مقام پر تیرتی نعش کی اطلاع پر ریسکیو 1122 نے بروقت نکل کر THQ ہسپتال بھیرہ منتقل کر دی
متعلقہ تھانہ کی پولیس نے تفتیش شروع کر دی ۔
=======================
صوابی میں کلاؤڈ برسٹ سے کئی گھر ڈوب گئے: ڈپٹی کمشنر نصر اللّٰہ خان
ڈپٹی کمشنر نصراللّٰہ خان نے کہا ہے کہ صوابی کے دالوڑی گاؤں میں کلاؤڈ برسٹ سے کئی گھر ڈوب گئے۔
جیو نیوز سے گفتگو کرتے ہوئے انہوں نے کہا کہ 15 کے قریب افراد ریلے میں بہہ گئے ہیں۔
نصراللّٰہ خان کا کہنا ہے کہ کلاؤڈ برسٹ سے سیلابی ریلے کا بہاؤ بہت تیز ہے، پہاڑی علاقہ ہونے کی وجہ سے مختلف مقامات پر لینڈ سلائیڈنگ بھی ہوئی۔
انہوں نے کہا کہ انتظامیہ، ریسکیو اور دیگر امدادی ٹیمیں جائے وقوعہ روانہ ہوچکی ہیں۔
ڈپٹی کمشنر نصراللّٰہ خان کا کہنا تھا کہ ہری پور اور مردان سے بھی ریسکیو ٹیموں کو بلالیا گیا ہے۔
=====================
https://www.youtube.com/watch?v=5uur1wv4yi
خیبر پختونخوا میں سب سے زیادہ بارش کہاں ہوئی؟ اعداد و شمار جاری
خیبر پختونخوا میں آئندہ 24 گھنٹوں میں مزید بارش کی پیشگوئی ہے، جبکہ گزشتہ 24 گھنٹوں کے دوران صوبے میں ہونے والی بارش کے اعداد و شمار بھی سامنے آگئے۔
محکمہ موسمیات کے مطابق پشاور میں گزشتہ 24 گھنٹوں میں 52 ملی میٹر بارش ہوئی۔
محکمہ موسمیات نے بتایا کہ شہر میں زیادہ سے زیادہ درجہ حرارت 32 ڈگری سینٹی گریڈ تک بڑھ سکتا ہے۔ شہر کی ہوا میں نمی کا تناسب 96 فیصد ہے۔
کلاؤڈ برسٹ کی پیش گوئی کرنا ناممکن ہوتا ہے: موسمیاتی تجزیہ کار
محکمہ موسمیات کے مطابق مردان تخت بائی میں سب سے زیادہ 80 ملی میٹر بارش ریکارڈ ہوئی، غلنئی مہمند میں 42، نوشہرہ میں 15، سیدوشریف میں 9، مالم جبہ میں 4 اور تیمرگرہ میں 2 ملی میٹر بارش ہوئی۔
محکمہ موسمیات کے مطابق دیر اپر اور کاکول میں 5، 5 ملی میٹربارش ریکارڈ ہوئی۔
======================
وزیرِاعلیٰ پنجاب مریم نواز شریف کا دورہِ جاپان
وزیرِاعلیٰ مریم نواز کا یوکو ہاما کی تاریخی ’سُرخ پتھروں کی عمارت‘ کا دورہ
– وزیرِاعلیٰ مریم نوازنے ’یوکو ہاما ریڈ برِک ویئر ہاﺅس‘ کے مختلف حصے دیکھے۔
– بندرگاہ کے ساتھ آباد تاریخی اور قدیمی ’یوکو ہاما ریڈ برِک وئیر ہاﺅس ‘ کا نیا نام’نیو پورٹ پیئر بانڈڈ وئیر ہاﺅس‘ (Newport Pier Bonded Warehouse) ہے۔
– وزیرِاعلیٰ پنجاب مریم نواز نے وئیر ہاﺅس میں کمیونٹی ویلفئیر کے تحت چلنے والے بچوں کو ہنرمندی سکھانے کے مرکز کا دورہ بھی کیا۔
– وزیرِاعلیٰ مریم نواز نے بچوں کو کاغذ اور دیگر اشیاء سے چیزیں بناتے بھی دیکھا۔
– بچوں نے اپنی تخلیقی صلاحیتوں کے اظہار کے مختلف نمونے بھی وزیرِاعلیٰ مریم نواز کو دکھائے۔
– وزیرِاعلیٰ مریم نواز نے بچوں کو شاباش دی اور اُن سے گفتگو کی۔
– کمیونٹی ویلفئیر کے اس ماڈل کو پنجاب میں بھی فروغ دے رہے ہیں، وزیرِاعلیٰ مریم نواز کی گفتگو
– پنجاب کے بچوں کے لئے بھی جدید خطوط اور سہولیات کے ساتھ تعلیم اور ہنرمندی کا طریقہ اپنا رہے ہیں، وزیرِاعلیٰ مریم نوازکی گفتگو
– وزیرِاعلیٰ مریم نواز شریف کا ’ریڈ برِک وئیر ہاﺅس‘ کی انتظامیہ کی بہترین کاوشوں کو خراجِ تحسین
– پنجاب کی سینیئر صوبائی وزیر مریم اورنگزیب بھی وزیرِاعلیٰ کے ہمراہ تھیں۔
#CMMaryamInJapan
لاہور18 -اگست:……
وزیراعلی پنجاب مریم نوازشریف کا پنجاب میں ممکنہ کلاؤڈ برسٹ اورطوفانی بارشوں کے پیش نظر ہنگامی اقدامات کی ہدایت
وزیراعلی مریم نواز شریف نے پی ڈی ایم اے،انتظامیہ،ریسکیو،پولیس اورمتعلقہ ادارووں کو الرٹ کر دیا
وزیراعلی مریم نواز شریف نے ہنگامی صورتحال سے نمٹنے کے لئے ہسپتالوں اور مراکز صحت میں ڈاکٹرز اور عملے کو بھی الرٹ رہنے کی ہدایت کر دی
وزیراعلی مریم نواز شریف کا سی اینڈ ڈبلیو کو بارشوں سے متاثرہ روڈز کی فوری بحالی کا حکم
وزیراعلی مریم نواز شریف کا چکوال اور دیگراداروں میں موسلادھار بارش کے پیش نظرانتظا میہ اور اداروں کوہمہ وقت الرٹ رہنے کا حکم
وزیراعلی مریم نواز شریف کی چکوال میں نشیبی علاقوں میں جان ومال کی حفاظت کے لئے دیگر اقدامات کی ہدایت
وزیراعلی مریم نواز شریف کا سیلابی ریلوں سے متاثرہ علاقوں میں آبادی کا بروقت انخلا یقینی بنانے کا حکم
وزیراعلی مریم نواز شریف کی ندی نالوں میں نہانے پر پابندی یقینی بنانے،پولیس سکواڈکو گشت کی ہدایت
بارش سے متاثرہ چھوٹے بڑے راستوں سے رکاوٹیں ہٹا کر آمدورفت بحال کی جائے۔مریم نوا ز شریف
کلاؤڈ برسٹ اورموسلادھار بارشیں قدرتی آفت ہیں،صوبہ بھر میں انتظامیہ اور دیگر ادارے پوری طرح الرٹ ہیں۔ مریم نواز شریف
ممکنہ بارشوں اور کلاؤڈ برسٹ کے خدشے کے پیش نظر تمام ادارے ہمہ وقت متحرک رہیں،کوتاہی قطعا برداشت نہیں۔ مریم نواز شریف
