خیبرپختونخوا: بارش اور سیلاب سے جاں بحق افراد کی تعداد 307 ہوگئی
Swat Flood Latest Update | مینگورہ کے متاثرین اپنی مدد آپ کے تحت بحالی میں مصروف Swat Flood 2025
سوات میں تباہ کن سیلاب: مینگورہ کے متاثرین اپنی مدد آپ کے تحت بحالی میں مصروف
مینگورہ: سوات میں آنے والے تباہ کن سیلاب نے مینگورہ شہر کو بری طرح متاثر کیا ہے، جہاں مقامی لوگ اپنی مدد آپ کے تحت اپنے گھروں اور دکانوں کی صفائی میں مصروف ہیں۔ سیلاب کی لہروں نے شہر کے کئی حصوں کو تباہ کر دیا، جس سے اربوں روپے کا نقصان ہوا ہے۔
مقامی افراد کا کہنا ہے کہ سیلاب کی وجہ سے گھروں، دکانوں اور سڑکوں پر مٹی اور ریت کی موٹی تہہ جم گئی ہے، جسے صاف کرنے میں شدید مشکلات کا سامنا ہے۔ ان کا یہ بھی کہنا ہے کہ حکومتی اداروں کی جانب سے کوئی فوری امداد نہیں پہنچی اور نہ ہی بجلی یا صاف پانی کی سہولت دستیاب ہے۔
مقامی صحافی آرون سراج نے بتایا کہ یہ سیلاب 2022 کے بعد دوسری بڑی تباہی ہے، جس میں کم از کم سات افراد جاں بحق ہو چکے ہیں، جبکہ تین افراد لاپتہ ہیں۔ انہوں نے مزید کہا کہ انتظامیہ نے پیشگی انتباہات کے باوجود لوگوں کو محفوظ مقامات پر منتقل کرنے میں ناکامی کا مظاہرہ کیا۔
مقامی لوگوں نے حکومت اور این جی اوز سے فوری امداد کی اپیل کی ہے، کیونکہ بے گھر ہونے والے خاندانوں کے لیے خوراک، پانی اور رہائش کی شدید ضرورت ہے۔
==============================
خیبرپختونخوا میں سیلاب میں جاں بحق افراد کی تعداد 337 ہوگئی:
بونیر: 213
شانگلہ: 35
مانسہرہ: 23
باجوڑ: 21
بٹگرام: 15
سوات: 20
لوئر دیر: 5
مہمند: 5 (ہیلی کاپٹر کریش)
=======================
خیبرپختونخوا میں 48 گھنٹوں میں بارش اور سیلاب سے ہونے والے نقصانات کی تفصیلات سامنے آگئیں۔
پروونشل ڈیزاسٹر مینجمنٹ اتھارٹی (پی ڈی ایم اے) کے مطابق بارش اور سیلاب کے باعث حادثات میں جاں بحق افراد کی تعداد 307 ہوگئی ہے۔
پی ڈی ایم اے کا بتانا ہے کہ جاں بحق افراد میں 279 مرد، 15 خواتین اور 13 بچے شامل ہیں۔
بونیر میں جاں بحق افراد کی تعداد 184 جبکہ 23 افراد زخمی ہیں۔ زخمیوں میں 17 مرد، 4 خواتین اور 2 بچے شامل ہیں۔
خیبر پختونخوا: ہیلی کاپٹر کا حادثہ کیسے پیش آیا؟ ابتدائی رپورٹ موصول
پی ڈی ایم اے کے مطابق مجموعی طور پر 74 گھروں کو نقصان پہنچا ہے۔ 63 گھروں کو جزوی اور 11 گھر مکمل تباہ ہوئے ہیں۔
بارشوں کا موجودہ سلسلہ 21 اگست تک جاری رہنے کا امکان ہے۔
دوسری جانب پی ڈی ایم اے کا کہنا ہے کہ سوات بھر میں مجموعی طور پر 20 افراد جاں بحق ہوئے، ضلع بھر میں 2071 افراد کو ریسکیو کرلیا گیا ہے۔
https://www.youtube.com/watch?v=5uur1wv4yi
