شکر گڑھ کے نالہ بئیں میں درمیانے درجے کے سیلاب کی صورتحال پیدا ہو گئی ہے۔ محکمۂ ایریگیشن کے مطابق اس نالے میں 5 ہزار 100 کیوسک پانی کا بہاؤ جاری ہے، جبکہ نالہ ڈیک میں پانی کا بہاؤ 10 ہزار 300 کیوسک تک پہنچ گیا ہے۔
بہاولپور میں دریائے ستلج پر واقع ہیڈ گنڈا سنگھ والا میں پانی کی سطح میں اضافہ ریکارڈ کیا گیا ہے، جو اب 18.70 فٹ ہو گئی ہے۔ یہاں سے پانی کا اخراج 59 ہزار 287 کیوسک ہے۔
ہیڈ سلیمانکی پر پانی کی آمد 41 ہزار 700 کیوسک اور اخراج 32 ہزار 30 کیوسک ہے، جبکہ ہیڈ اسلام پر آمد 24 ہزار 207 اور اخراج 22 ہزار 307 کیوسک ہے۔ اس کے علاوہ ہیڈ میلسی سائفن پر پانی کی آمد 17 ہزار 778 کیوسک ریکارڈ کی گئی ہے۔
