پاکستان کو خود پر مقدم رکھنا ہے، ڈاکٹر محمد طفیل
جامعہ این ای ڈی میں جشنِ آزادی کارنیوال اور اورینٹیشن ڈے منعقد کیا گیا
کراچی() جامعہ این ای ڈی میں جشنِ آزادی اور اورینٹیشن ڈے کی مناسبت سے مرکزی محمود عالم آڈیٹوریم میں پروگرام منعقد کیا گیا۔ جب کہ جشنِ آزادی معرکہ حق کے سلسلے میں شعبہ اسٹوڈنٹ افیئرز کے زیرِ اہتمام کارنیوال بھی منعقد کیا۔ اورینٹشن میں نئے داخلہ لینے والے طالب علموں کو ناصرف یونی ورسٹی سے متعلق بتایا گیا بلکہ ان کے سوالات کے تسلی بخش جوابات بھی دیئے گئے۔ جامعہ این ای ڈی کی ترجمان فرواحسن کے مطابق اس دن قریباً طالب علموں نے اورینٹیشن پروگرام میں شرکت کی۔ اس موقعے پر شیخ الجامعہ ڈاکٹر محمد طفیل نے طالبِ علموں کو خوش آمدید کہا اور محنت کرتے رہنے کے عزم پر زُور دیا جب کہ جشنِ آزادی پر پیغام دیتے ہوۓ کہا کہ پاکستان کو خود پر مقدم رکھنا ہے اور آگے بڑھتے جانا ہے۔ اس موقعے پر ڈینز، رجسٹرار، اسااتذہ سمیت شعبہ اسٹوڈنٹ افئیرز کے کنٹرولر ڈاکٹر علی حسن محمود بھی اورینٹیشن میں موجود رہے۔
