ثانوی تعلیمی بورڈ کراچی نے دہم جماعت سائنس گروپ برائے سال 2025 کے سالانہ امتحانات کے نتائج جاری کر دیے۔ اس سال سائنس گروپ میں کل 1 لاکھ 73 ہزار 738 طلبہ و طالبات رجسٹرڈ ہوئے، جن میں سے 1 لاکھ 72 ہزار 391 نے امتحانات میں شرکت کی، جبکہ 1 ہزار 347 غیر حاضر رہے۔ نتائج کے مطابق 27 ہزار 244 امیدوار ناکام قرار پائے۔
پوزیشن ہولڈرز میں پہلی پوزیشن عینا فاروقی بنتی سلمان احمد فاروقی (رول نمبر 441597) نے 94.73 فیصد نمبر لے کر حاصل کی۔ وہ مونٹیسوری کمپلیکس ہائی اسکول، 13-D1 گلشن اقبال کی طالبہ ہیں۔
دوسری پوزیشن وانیہ نور بنتی محمد اللہ (رول نمبر 490623) نے 94.09 فیصد نمبروں کے ساتھ حاصل کی، وہ پائنیر گرامر سیکنڈری اسکول، اسلام نگر، اورنگی ٹاؤن کی طالبہ ہیں۔
تیسری پوزیشن دو طلبہ نے مشترکہ طور پر حاصل کی: سید اذکار حسین رضوی بن سید ریاض امام رضوی (رول نمبر 319856) سول ایوی ایشن ماڈل اسکول ایئرپورٹ سے اور عمائمہ ظفر بنتی محمد عرفان (رول نمبر 457726) دی اسمارٹ اسکول، رفاع عام کیمپس، ملیر ہالٹ سے۔ دونوں نے 94 فیصد نمبر حاصل کیے۔
اعداد و شمار کے مطابق، سائنس گروپ کے امتحانات میں 90 ہزار 740 طلبہ اور 82 ہزار 998 طالبات شریک ہوئیں، جبکہ مجموعی کامیابی کا تناسب 83.93 فیصد رہا۔ کامیاب طلبہ میں 30 ہزار 154 نے اے ون گریڈ، 50 ہزار 346 نے اے گریڈ، 39 ہزار 691 نے بی گریڈ، 20 ہزار 614 نے سی گریڈ، 3 ہزار 841 نے ڈی گریڈ اور 35 طلبہ نے ای گریڈ حاصل کیا۔
