یومِ آزادی کے موقع پر معروف گلوکار راحت فتح علی خان نے اپنا نیا ملی نغمہ ’’پاکستان ہمیشہ زندہ باد‘‘ منظر عام پر لا دیا۔
یہ نغمہ وطن کے جذبے، قربانیوں اور حب الوطنی کے عزم کو خراجِ تحسین پیش کرتا ہے۔ نغمے میں شہداء کی لازوال قربانیوں اور وطن سے محبت کو بھرپور انداز میں اجاگر کیا گیا ہے، اور خون کے آخری قطرے تک وطن کے لیے قربانیاں دینے کا عزم ظاہر کیا گیا ہے۔
راحت فتح علی خان کے اس نغمے میں قوم کی بہادری، شہداء کی قربانیوں اور عوام کے اتحاد کی کہانی کو دلکش انداز میں بیان کیا گیا ہے۔ یومِ آزادی کے موقع پر آئی ایس پی آر کی جانب سے جاری کیا گیا یہ نغمہ قربانی، وطن پرستی اور تجدیدِ عہد وفا کا پیغام دیتا ہے۔























