اسلام آباد کی نجی ہاؤسنگ سوسائٹی فیز 5 کے قریب ریلوے ٹریک پر چلتی ٹرین کے ایک بوگی میں اچانک لگنے والی آگ سے سامان جل کر خاکستر ہو گیا۔
ریسکیو 1122 راولپنڈی کی ٹیم نے فوری طور پر فائر فائٹنگ اور ریسکیو آپریشن کرتے ہوئے آگ پر قابو پا لیا۔ اس کارروائی میں ایک ریسکیو ایمبولینس، چار فائر بریگیڈ گاڑیاں اور ایک ریسکیو وہیکل استعمال کی گئیں۔ آگ ٹرین کے مسافر ڈبے میں لگی تھی، تاہم تمام مسافر محفوظ رہے۔ ریسکیو حکام کے مطابق ایمرجنسی ٹیموں نے موقع پر پہنچ کر فائر کو بجھانے اور ٹھنڈا کرنے کا عمل مکمل کر لیا ہے۔
