کراچی میں اگلے 24 گھنٹوں کے دوران آسمان زیادہ تر ابر آلود رہنے اور ہوا میں نمی زیادہ ہونے کا امکان ہے۔
محکمہ موسمیات کے مطابق شہر میں صبح اور رات کے اوقات میں بوندا باندی یا ہلکی بارش بھی متوقع ہے۔
شہر کا زیادہ سے زیادہ درجہ حرارت 30 سے 32 ڈگری سینٹی گریڈ تک رہ سکتا ہے، جبکہ گزشتہ 24 گھنٹوں کے دوران کم سے کم درجہ حرارت 26.5 ڈگری سینٹی گریڈ ریکارڈ کیا گیا۔
کراچی میں سمندری ہوائیں تقریباً 7 کلومیٹر فی گھنٹہ کی رفتار سے چل رہی ہیں اور ہوا میں نمی کا تناسب 85 فیصد ہے۔
