نازیہ حسن کی یاد میں 25 سال مکمل

پاکستان کی عالمی شہرت یافتہ پاپ گلوکارہ نازیہ حسن کو مداحوں سے بچھڑے 25 سال گزر چکے ہیں۔

نازیہ حسن نہ صرف پاکستان بلکہ دنیا بھر میں موسیقی کے شائقین کے دلوں میں زندہ ہیں۔ اپنے منفرد انداز اور دلکش آواز کے ذریعے انہوں نے پاکستان میں پاپ موسیقی کو متعارف کروایا، اسی وجہ سے انہیں پاکستان میں پاپ موسیقی کی بانی کے طور پر یاد کیا جاتا ہے۔

ان کے گانے آج بھی مداحوں میں بے حد مقبول ہیں۔ وہ صرف ایک گلوکارہ نہیں بلکہ نوجوان خواتین کے لیے ایک آئیکون تھیں، جنہوں نے خواتین کو موسیقی کے شعبے میں اپنی پہچان بنانے کی ہمت دی۔

نازیہ حسن کی یاد میں آج بھی مداح ان کے گانے سنتے ہیں اور ان کی شخصیت کو یاد کرتے ہیں۔ وہ نہ صرف پاکستان بلکہ بھارت میں بھی بے حد مقبول رہیں۔

ان کے مشہور گانوں میں “آپ جیسا کوئی میری زندگی میں آئے”، “دوستی”، “ڈسکو دیوانے”، “آنکھیں ملانے والے” اور “بوم بوم” شامل ہیں۔