میٹرک سائنس کے نتائج کا اعلان بدھ 13 اگست کو
چیف سکریٹری سندھ سید آصف حیدر شاہ کا کہنا ہے کہ وہ میٹرک بورڈ کراچی میں ناظم امتحانات کے معاملے کا جائزہ لے رہے ہیں جب کہ میٹرک سائنس کے نتائج کا اعلان بدھ 13 اگست کو کردیا جائے گا۔
سیکریٹری بورڈز و جامعات سندھ عباس بلوچ نے کہا ہے کہ میٹرک بورڈ کراچی میں ناظم امتحانات کے تقرر کے لیے سمری وزیر اعلیٰ سندھ کو ارسال کر دی گئی ہے۔
میٹرک بورڈ کراچی کے چیئرمین غلام حسین سوہو نے کنٹرولنگ اتھارٹی کے تقرر کردہ ناظم امتحانات ظہیر بھٹو کو غلط طور پر ہٹایا اور ان کی جگہ گریڈ 17 کے اسٹنٹ کنٹرولر کو چارج دیا جس کا انھیں اختیار ہی نہیں تھا، کنٹرولر کو لگانے اور ہٹانے کا اختیار صرف کنٹرولنگ اتھارٹی (وزیر اعلیٰ) کو ہے۔
غلام عباس بلوچ نے کہا کہ ظہیر بھٹو کو کنٹرولر کے عہدے کا چارج چھوڑنے کے بجائے اپنا کام جاری رکھنا چاہیے تھا۔ ایک سوال کے جواب میں انھوں نے کہا کہ میٹرک سائنس کے نتائج کے جلد اعلان کے لیے بورڈ کو ہدایت کر دی گئی ہے۔
دریں اثناء چیف سکریٹری سندھ سید آصف حیدر شاہ کا کہنا ہے کہ وہ میٹرک بورڈ کراچی میں ناظم امتحانات کے معاملے کا جائزہ لے رہے ہیں جب کہ میٹرک سائنس کے نتائج کا اعلان بدھ 13 اگست کو کردیا جائے گا۔
یاد رہے میٹرک بورڈ کراچی میں چیئرمین بورڈ نے ناظم امتحانات ظہیر بھٹو کو ہٹا کر ایسوسی ایٹ پروفیسر حمزہ تگڑ کو لگانے کی سفارش کی تھی اور اس دوران چارج گریڈ 17 کے اسٹنٹ کنٹرولر کو دے دیا تھا۔
تاہم عدالتی فیصلے کے باعث گریڈ 17 کے کنٹرولر سے چارج واپس لیا گیا، جس کے بعد میٹرک بورڈ کراچی میں ناظم امتحانات کی آسامی خالی پڑی ہے جس کی وجہ سے میٹرک سائنس کے نتائج میں تاخیر ہو گئی ہے، جب کہ سندھ بھر کے بورڈز میٹرک سائنس کے نتائج کا اعلان کرچکے ہیں اور کئی بورڈز نے تو انٹرمیڈیٹ کے نتائج کا بھی اعلان کر دیا ہے۔
https://jang.com.pk/news/1500103
==================================
ہنزہ کے گلمت گوجال نالے میں اچانک سیلابی ریلا آگیا، 50 افراد نے بمشکل جان بچائی
ہنزہ کے گلمت گوجال نالے میں اچانک سیلابی ریلا آگیا، 50 افراد نے بمشکل جان بچائی
گلگت بلتستان میں ہنزہ کے گلمت گوجال نالے میں اچانک سیلابی ریلا آنے سے افراتفری پھیل گئی۔ واٹر چینل پر کام کرنے والے 50 سے زائد افراد نے سیلابی ریلے سے بمشکل جان بچائی۔
سیلابی ریلے کے ساتھ پہاڑی پتھر آنے سے شاہراہ قراقرم بھی کئی مقامات پر بند ہوگئی، جس کے باعث مسافر پھنس گئے۔
ترجمان گلگت بلتستان حکومت فیض اللّٰہ فراق نے کہا ہے کہ دریائے ہنزہ پھر بپھر گیا ہے، سیلاب سے واٹر چینلز، تیار فصلوں اور مکانات کو نقصان ہوا۔
انہوں نے مزید کہا کہ بلتستان کے علاقے شگر میں بھی سیلاب سے زرعی اراضی اور درخت بہہ گئے ہیں، سڑک کی بحالی کا کام جلد شروع کیا جائے گا۔
ترجمان جی بی حکومت نے یہ بھی کہا کہ گلگت بلتستان بدترین سیلابی تباہیوں کی زد میں ہے، پہاڑی پتھر شاہراہ ریشم پر تواتر سے گرتے رہے۔
فیض اللّٰہ فراق نے کہا کہ حکومت نے ہنزہ انتظامیہ کو امدادی کارروائیاں تیز کرنے کی ہدایت کردی۔
