مشہور ہالی ووڈ ہارر فرنچائز “فائنل ڈیسٹینیشن” اپنی ساتویں فلم کے ساتھ ایک بار پھر پردۂ اسکرین پر واپسی کرنے جا رہی ہے۔
دی ہالی ووڈ رپورٹر کے مطابق، اس سنسنی خیز اور خوفناک سیریز کی پچھلی قسط “بلڈ لائنز” نے باکس آفس پر شاندار بزنس کیا، جس کے بعد مداحوں کے لیے اس کا نیا حصہ بنانے کا باضابطہ اعلان کر دیا گیا ہے۔
نئی فلم کی کہانی “بلڈ لائنز” کی شریک مصنفہ لوری ایونز ٹیلر تحریر کریں گی۔ وارنر برادرز نے نیو لائن اسٹوڈیوز کو فلم پر کام شروع کرنے کی منظوری دے دی ہے۔ آمدنی کے لحاظ سے یہ فرنچائز اسٹوڈیو کی سب سے کامیاب سیریز میں سے ایک ہے، جس میں پہلے نمبر پر “دی کانجرنگ” اور تیسرے پر “اسٹیفن کنگز اِٹ” شامل ہیں۔
اس سیریز کی خاص بات یہ ہے کہ ہر فلم میں موت کی ایسی پیشین گوئی دکھائی جاتی ہے جو نہایت خطرناک اور چونکا دینے والے انداز میں پوری ہوتی ہے۔ کردار ہر ممکن کوشش کے باوجود موت کے شکنجے سے نہیں بچ پاتے۔
پچھلی پانچ فلموں نے یہ حقیقت اجاگر کی کہ موت سے فرار ممکن نہیں، جبکہ آخری فلم “بلڈ لائنز” میں ایک کردار اگرچہ لمبی زندگی جیتا ہے، مگر انجام کار موت سب کو یکساں انجام تک پہنچا دیتی ہے۔
