کراچی کے علاقے کورنگی ڈھائی نمبر میں ڈکیتی کے دوران مزاحمت کرنے والے شخص کو فائرنگ کرکے ہلاک کر دیا گیا۔ مشتعل افراد نے دونوں ملزمان کو گرفتار کر کے شدید تشدد کا نشانہ بنایا، جس کے نتیجے میں ایک ملزم جاں بحق اور دوسرا زخمی ہوگیا۔
دوسری جانب کراچی کے علاقے لیاری میں دن دہاڑے ایک ڈاکٹر کو ہدف بنا کر قتل کر دیا گیا۔ ڈاکٹر شمبو لعل عرف ڈاکٹر لعل کو کلینک سے نکل کر واک پر جانے کے دوران فائرنگ کا نشانہ بنایا گیا۔ پولیس نے واقعے کی مختلف پہلوؤں سے تحقیقات کا آغاز کر دیا ہے۔
ابتدائی رپورٹ کے مطابق مقتول ڈاکٹر کو ان کا تعاقب کرنے والے ملزمان نے نشانہ بنایا، جبکہ وہ معمول کے مطابق لیاری ایکسپریس وے کے راستے واک کے لیے جا رہے تھے۔
