کاروباری ہفتے کے دوسرے دن پاکستان اسٹاک ایکسچینج (PSX) میں غیر معمولی تیزی دیکھی گئی، اور مارکیٹ نے تاریخ کی بلند ترین سطح کو چھو لیا۔
اگست کے ہر کاروباری روز کی طرح آج بھی 100 انڈیکس نے نیا ریکارڈ بنایا۔ انڈیکس میں 727 پوائنٹس کا اضافہ ہوا، جس کے بعد یہ ایک لاکھ 47 ہزار 656 پوائنٹس پر بند ہوا۔
کاروبار کے دوران 100 انڈیکس ایک موقع پر ایک لاکھ 47 ہزار 700 پوائنٹس کی سطح تک بھی پہنچ گیا، جو اسٹاک مارکیٹ کی تاریخ میں ایک اور اہم سنگِ میل ہے۔
