امریکہ کی متعدد ریاستوں میں زبردست بارشوں کے باعث سیلاب کا خطرہ پیدا ہو گیا ہے۔
رپورٹس کے مطابق وسکونسن میں موسلا دھار بارشوں کی وجہ سے سیلابی صورتحال پیدا ہو گئی ہے، جہاں سڑکوں پر پانی بھر گیا ہے، گاڑیاں پانی میں ڈوب گئی ہیں اور ہزاروں گھروں میں بجلی کی فراہمی معطل ہو چکی ہے۔
امریکی نیشنل ویدر سروس نے کنساس، آئیووا، نیبراسکا، مسوری، الینوائے اور وسکونسن کے علاقوں کے لیے سیلابی و موسمی الرٹس جاری کر دیے ہیں۔
اسی طرح میکسیکو سٹی میں بھی بھاری بارشوں کے باعث پانی جمع ہو گیا ہے جس کی وجہ سے حدِ نظر متاثر ہوئی ہے۔
بینیٹو جواریز ایئرپورٹ پر خراب موسم کی وجہ سے فلائٹ آپریشن تقریباً تین گھنٹے کے لیے روک دیا گیا تھا۔
امریکی نیشنل ویدر سروس نے بتایا ہے کہ یہ موسلا دھار بارشیں ہفتے سے شروع ہو کر پیر تک جاری رہنے کا امکان ہے۔
