واٹس ایپ پر غلطی سے ڈیلیٹ کیے گئے میسجز کو واپس لانے کا طریقہ

دنیا کی سب سے زیادہ استعمال ہونے والی میسجنگ ایپ واٹس ایپ ہے، جہاں روزانہ کروڑوں پیغامات کا تبادلہ ہوتا ہے۔

کبھی کبھار ہم اہم واٹس ایپ پیغامات کو جلد بازی میں یا غلطی سے ’Delete for Me‘ کر دیتے ہیں یا پوری چیٹ ہسٹری حذف کر دیتے ہیں۔ ایسے میں سوال پیدا ہوتا ہے کہ انہیں واپس کیسے لایا جائے؟

اس مضمون میں ہم واٹس ایپ کے ’Delete for Me Messages‘ کو واپس لانے (Restore) کا طریقہ بتائیں گے، جو دسمبر 2022 میں متعارف کروایا گیا تھا۔

یہ فیچر صرف اسی صورت میں کام کرتا ہے جب آپ کسی میسج کو ’Delete for Everyone‘ کی بجائے غلطی سے ’Delete for Me‘ کرتے ہیں۔

ایسا کرنے پر آپ کے اسکرین پر ’Message Deleted for Me‘ کا نوٹس اور ساتھ میں ’Undo‘ کا آپشن ظاہر ہوگا۔ ’Undo‘ پر کلک کرنے سے میسج دوبارہ نظر آنے لگے گا۔

یاد رہے کہ آپ کے پاس ’Undo‘ کرنے کے لیے چند سیکنڈز ہی ہوتے ہیں، اس کے بعد یہ آپشن خود بخود غائب ہو جاتا ہے۔

آڈیو میسج بھیجنے کا آسان طریقہ:

اگر آپ ٹائپ کیے بغیر واٹس ایپ میسج بھیجنا چاہتے ہیں تو اینڈرائیڈ فون پر ہوم بٹن کو چند سیکنڈز دبا کر رکھیں یا ’’Hey Google‘‘ کہیں، جس سے گوگل اسسٹنٹ فعال ہو جائے گا۔ پھر کہیں ’’Send a WhatsApp message to (کانٹیکٹ کا نام)‘‘۔

اس کے بعد گوگل اسسٹنٹ آپ سے میسج ریکارڈ کرنے کو کہے گا۔ بولتے ہوئے زیادہ دیر خاموشی اختیار نہ کریں۔

جب آپ کا میسج مکمل ہو جائے گا، تو گوگل اسسٹنٹ اسے بھیج دے گا اور آپ کو کنفرمیشن نظر آئے گی۔

آپ اسی طریقے سے آڈیو میسج بھی بھیج سکتے ہیں، بس گوگل اسسٹنٹ کو کھول کر کہیں ’’Send a WhatsApp audio message to (کانٹیکٹ کا نام)‘‘، پھر جو کچھ بولیں گے وہ آڈیو میسج کے طور پر بھیجا جائے گا۔