جنسی ہراسانی کے الزام میں بھارتی اداکار کے خلاف ایف آئی آر درج

ممبئی: پولیس نے بھارتی اداکار شہباز خان کے خلاف ایک لڑکی کو جنسی طور پر ہراساں کرنے کا مقدمہ درج کرلیا۔

این ڈی ٹی وی کی رپورٹ کے مطابق شہباز خان کے خلاف ممبئی کے اوشیوارا پولیس اسٹیشن میں ایف آئی آر درج کی گئی۔

اداکار کے خلاف انڈین پینل کوڈ سیکشن 354 (خواتین پر حملہ کرنے کا اس کی عزت کو پامال کرنے کے ارادے) اور سیکشن 509 (کسی لفظ، اشارے یا عمل سے کسی خاتون کی توہین کرنے) کے تحت ایف آئی آر درج کی گئی ہے
ولیس کے مطابق معاملے کی تفتیش جاری ہے۔

دوسری جانب شہباز خان نے بھی اب تک کسی قسم کا کوئی بیان جاری نہیں کیا۔

خیال رہے کہ شہباز خان بھارتی ڈراموں کے ساتھ ساتھ کئی فلموں میں بھی کام کرچکے ہیں۔

مزید پڑھیں: امریکا میں خاتون کو جنسی ہراساں کرنے پر بھارتی شہری کو 9 سال قید

انہوں نے 1990 کے ڈرامے ‘سوارڈ آف ٹیپو سلطان’ کے ساتھ کیریئر کا آغاز کیا۔

اس کے بعد وہ ‘سی آئی ڈی’، ‘ناگن’، ‘کوئی ہے’، ‘راون’ اور ‘نیت’ جیسے ڈراموں میں کام کیا۔

وہ بولی وڈ فلموں میں بھی کئی بار منفی کرداروں میں جلوہ گر ہوئے۔

ان فلموں میں ‘راجو چاچا’، ‘قسمت’، ‘مستی’، ‘میجر صاحب’ وغیرہ شامل ہیں۔

حال ہی میں وہ ٹی وی ڈرامے ‘رام سیا کے لو کش’ اور ‘داستان محبت سلیم انارکلی’ میں کام کرتے نظر آئے تھے۔

اپنا تبصرہ بھیجیں