تصاویر اور ویڈیوز شیئر کرنے والے پلیٹ فارم انسٹاگرام نے صارفین کے لیے ایک نیا “میپ فیچر” پیش کیا ہے، جس کے ذریعے وہ اپنی لوکیشن شیئر کر سکیں گے۔ تاہم، بہت سے صارفین اس اقدام کو پرائیویسی میں مداخلت قرار دے رہے ہیں۔
ٹیکنالوجی کمپنی میٹا نے حال ہی میں اپنی ذیلی کمپنی انسٹاگرام کے لیے کئی نئی اپ ڈیٹس متعارف کرائی ہیں، جن میں “ری پوسٹ” کا فیچر بھی شامل ہے۔
میٹا کے مطابق، نئے انسٹاگرام میپ فیچر کے ذریعے صارفین اپنے دوستوں کو وہ جگہ دکھا سکیں گے جہاں وہ آخری بار ایکٹیو ہوئے تھے۔ ساتھ ہی، صارفین کو یہ سہولت بھی دی گئی ہے کہ وہ اس فیچر کو جب چاہیں غیر فعال کر سکیں۔
یہ نیا فیچر سوشل میڈیا پر تنقید کی زد میں ہے۔ پلیٹ فارم “ایکس” پر ایک صارف نے لکھا کہ “انسٹاگرام میپ کی وجہ سے کسی کی جان جا سکتی ہے۔”
